Tags-Rang

is zamīñ meñ likh ġhazal ik aur pur-ma.anī 'nasīr'
rañg ya.anī ho nahīñ saktā gul-e-tar se judā

shakl-e-hijrat rañg lā.īñ āḳhirash sab koshisheñ
ham agar lauTe nahīñ us ne pukārā bhī nahīñ

kitnī mehnat huī ḳhuuñ pasīna huā jism miTTī huā rañg mailā huā
ḳhud to jaltā rahā dozaḳhoñ meñ magar ghar ko jannat banāyā hai tere liye

bād-e-shimāl chalne lagī añg añg meñ
lipTā hai kaun mujh se ye patjhaḌ ke rañg meñ

dhartī ambar nadiyā naale khaa.ī pahāḌ
do misroñ meñ kyā kyā rañg samotī hai

jis ḳhaak meñ mil kar ḳhaak hue vo surma-e-chashm-e-ḳhalq banī
jis ḳhaar pe ham ne ḳhuuñ chhiḌkā ham-rañg-e-gul-e-tannāz kiyā

kaso kī baat ne aage mire na paayā rañg
diloñ meñ naqsh hai merī suḳhan-tarāzī kā

vo rañg tasavvur hai ki har zarra-e-jāñ se
ik ajnabī sā chehra mujhe ghuur rahā hai

baḌhānā haath pakaḌne ko rañg muTThī meñ
to titliyoñ ke paroñ kā darāz ho jaanā

'adam' bahār ke mausam ne ḳhud-kushī kar lī
khulā jo rañg kisī jism-e-arġhavānī kā

karam ke rañg nihāyat ajiib hote haiñ
sitam bhī ek tarīqa hai mehrbānī kā

kyā muhīt-e-mai-e-be-rañg meñ tūfāñ aayā
josh-e-rañg anjuman-e-nāz se bāhar guzrā

balā hai man-e-vafā nuur uḌ gayā nāseh
tū le ke dekh to rañg-e-azār ā.īna

shikast-e-rañg pe mastī meñ hañste haiñ ham bhī
dikhā.eñge unheñ vaqt-e-ḳhumār ā.īna

samajh liyā magar is sabz rañg ko tuutī
ki hai nazāre kā ummīd-vār ā.īna

irāda thā ki ab ke rañg-e-duniyā dekhnā hai
ḳhabar kyā thī ki apnā hī tamāshā dekhnā hai

na jaao aise meñ bāhar 'nazīr' aatī hai dīvālī
ye kāshī hai yahīñ to rañg dikhlātī hai dīvālī

jab se aayā huuñ tere gaañv meñ
rañg hī rañg haiñ fazāoñ meñ

sabā-o-gul ko mah-o-najm ko divāna kiyā
mirī sarisht ne har rañg ko nishāna kiyā

phir koī shām-e-shafaq-dīdā bhī utrī ki nahīñ
merī tanhā.ī kā kyā rañg huā mere ba.ad