Tags-Rang

husn-kārī ke liye aaj ye dildār-e-suḳhan
rañg-e-ḳhūñ aur zarā bū-e-hinā māñge hai

āshiqī sabr-talab aur tamannā betāb
dil kā kyā rañg karūñ ḳhūn-e-jigar hote tak

yaad aa jaatā hai nā-sufta umīdoñ kā ma.aal
Dhalte sāyoñ meñ guloñ kā rañg uḌtā dekh kar

kyā bharosā badalte mausam kā
rañg kal kuchh thā aaj aur hai kuchh

ek manzil hai muḳhtalif rāheñ
rañg haiñ be-shumār phūloñ ke

vo huā chup to merī nazroñ ne
ek ḳhush-rañg sī kalī dekhī

na hai 'shā.ir' ab ġham-e-nau-ba-nau na vo dāġh-e-dil na vo aarzū
jinheñ e'timād-e-bahār hai vahī phuul rañg badal ga.e

nargis kī hai vo aañkh na gul kā vo rañg hai
chaltī hai ab kī saal muḳhālif havā-e-bāġh

shafaq kā rañg kā ḳhushbū kā ḳhvāb thā maiñ bhī
parā.e haath meñ koī gulāb thā maiñ bhī

haath lagāte hī miTTī kā Dher hue
kaise kaise rañg bhare the ḳhvāboñ meñ

daaġh haiñ ham tire dāman ke so ziddī bhī haiñ
ham koī rañg nahīñ haiñ ki utarnā chāheñ

laḌtī hai chhīñTe lab-e-jū rañg kaisā laal hai
maar kar paanī meñ ġhota ḳhuuñ meñ nahlātī hai teġh

abhī parchhā.iyāñ ūñche daraḳhtoñ kī
judā lagtī haiñ rañg-e-āsmāñ se

bulbul ba-āh-o-nāla va gul mast-e-rañg-o-bū
mujh ko shahīd-e-rasm-e-gulistāñ banā diyā

girnī thī ham pe barq-e-tajallī na tuur par
dete haiñ baada zarf-e-qadah-ḳhvār dekh kar

tirā ishq hai mirī zindagī tire husn pe maiñ nisār huuñ
tirā rañg aañkh meñ bas gayā tirā nuur dil meñ utar gayā

tire diid se ai sanam chaman ārzuoñ kā mahak uThā
tire husn kī jo havā chalī to junūñ kā rañg nikhar gayā

tumhāre aage sitāre nazāre kuchh bhī nahīñ
tumhāre aage har ik rañg phīkā phīkā hai

surūr terī rifāqat kā kam nahīñ hotā
tasavvurāt meñ rañg-e-visāl raushan hai

kis ko nairañgī-e-ayyām kī sūrat dikhlā.eñ
rañg uḌtā bhī nahīñ naqsh Thahartā bhī nahīñ