Tags-Rang

zīnat-e-rañg-e-baqā chāhte haiñ naqsh-e-fanā
us muraqqe kā dikhā.ī diyā naqsha ulTā

dhuup se rañg aur havā se kāġhaz uḌ jaate haiñ
zehn meñ ik tasvīr ḳhayālī rah jaatī hai

sajāo ḳhvāb koī raat kī be-rañg āñkhoñ meñ
agar baaqī diloñ meñ ḳhvāhish-e-ta.abīr rakhnī hai

tābānī-e-jazbāt meñ aa.ī hai kamī kyā
phīkā hai kyuuñ har rañg mujhe hī nahīñ ma.alūm

jalva-hā-e-rañg-o-bū dil meñ kyā jagah paa.eñ
aañkh meñ jo bastā hai dil to us kī bastī hai

phūloñ ke dāġh-hā-e-farozāñ ko dekh kar
arzāñ kuchh aur rañg-e-hinā kar diyā gayā

guzre jo māh-o-sāl to lai bhī badal ga.ī
ab ke baras ba-rañg-e-digar raqs kījiye

faqīroñ kā ye bhī tilismāt hai
lahū rañg ko ābgīna kiyā

usī kā rañg hai 'afsar' usī kī ḳhushbū hai
mirā kalām koī be-sabab nahīñ paḌhtā

vo naam zahr kā rakh deñ davā to kyā hogā
kaheñ jo ḳhuun ko rañg-e-hinā to kyā hogā

maiñ ne junūñ se kī jo 'asad' iltimās-e-rañg
ḳhūn-e-jigar meñ ek hī ġhota diyā mujhe

mire aa.ine se judā huā jo charāġh-e-hijr to ye khulā
chaman-e-sitāra-o-rañg meñ bhī kahīñ qayām hai abr kā

zamāne kī nazar ko vo bhalā aa.e nazar kaise
na us kā rañg hai na ruup hai na koī paikar hai

zamāne kā bharosā kyā abhī kuchh hai abhī kuchh hai
yahī hai rañg duniyā kā abhī kuchh hai abhī kuchh hai

tire ḳhayāl kī ḳhushbū tire jamāl kā rañg
hamāre dasht meñ lekin ye rañg-o-bū bhī kyā

fasl-e-gul kī hai aabrū ham se
ham se hai sail-e-rañg-o-bū ham se

khele kuude rañg jamāyā
bhīge-bhāge ḳhuub nahāyā

ruḳh-e-dāġh-e-dil ke sivā 'hasan' maiñ navā-e-be-dil-o-shād huuñ
inhī āshiqoñ kā hai rañg bhī unhī kāmiloñ kā hai baas bhī

nahīñ dekhtā din jise chashm-e-shab dekhtī hai
añdherā bhī ik dūsre rañg kī raushnī hai

tujhe dekhūñ to mujhe yaad ye kaun aatā hai
tū ne ye rañg bhalā kis ke churā.e hue haiñ