Tags-Rang

koī ḳhushbū na koī rañg na koī āvāz
dil ko ham sañg na samjheñ to ise kyā likkheñ

jidhar zamāna phirā maiñ bhī saath saath phirā
jo rañg dekhā vahī iḳhtiyār kī sūrat

kahīñ koñpaloñ ko nikhārtā hai vo lazzat-e-nam-e-shāḳh se
kahīñ mū-qalam se sañvārtā hai guloñ meñ rañg na.e na.e

mohabbatoñ meñ bhī lāzim hai e'tidāl kā rañg
ḳhulūs had se baḌhā jab to log Dar bhī ga.e

udaas logoñ se pyaar karnā koī to sīkhe
safed lamhoñ meñ rañg bharnā koī to sīkhe

rañg chehroñ se ka.ī logoñ ke uḌ jā.egā
zikr merā kabhī is bazm meñ kar dekheñ to

sahāb-e-fikr bhī 'yāqūb' pāband-e-fazā niklā
chaman kī ḳhaak par rañg-e-suḳhan barsā nahīñ saktā

hañs ke phūloñ ko vo kareñge subuk
rañg uḌā.eñge ham anādil kā

ḳhizāñ kī shaam ko zaḳhm-e-bahār kis ne kiyā
har ek resha-e-gul rañg-bār kis ne kiyā

ai shoḳh gulistāñ maiñ nahīñ ye gul-e-rañgīñ
aayā dil-e-sad-chāk mirā rañg badal kar

rakheñgī yaad husn kī ra.anā.iyāñ mujhe
vo gulistāñ meñ rañg nayā chhoḌ jā.ūñgā

tirī teġh kā laal kar dūñgā muñh
jo ye khelne mujh se aa.egī rañg

merī jānib aa.e pas-manzar se patthar be-shumār
rañg-e-duniyā dekh kar bīnā.ī zaḳhmī ho ga.ī

maiñ husn kā ek pujārī huuñ hai shā.irī husn kī ik devī
jo fikr-e-suḳhan bhī hotī hai ham-rañg-e-ibādat hotī hai

jaane vāloñ kī taraf mat dekho
rañg-e-mahfil ko jamā rahne do

abhī to sar pe kaḌī dopahar kā pahra hai
shafaq zamīn ko rañg-e-hinā.ī de to chaleñ

guzar ga.ī mujhe chhū kar kisī ḳhayāl kī rau
ufuq se tā-ba-ufuq rañg-zār sā kuchh hai

is dā.era-e-raushni-o-rañg se aage
kyā jāniye kis haal meñ bastī ke makīñ haiñ

jalva-gāh-e-nāz meñ dekh aa.e haiñ sau baar ham
rañg-e-rū-e-yār hai bilkul chuqandar kī tarah

ye rañg aur ye navve gram kā paper
adab ke baab meñ aisī koī kitāb nahīñ