Tags-Rang

saarī parī-ruḳhāñ mil kaisī machā.eñ dhūmeñ
rañg zard surḳh le kar kheleñ nigār holī

mahfil-e-rañg-o-nūr kī phir mujhe yaad aa ga.ī
phir mujhe yaad aa gayā ek diyā bujhā huā

lauT aa.e haiñ shafaq se log be-nīl-e-murām
rañg palkoñ se uThā laa.e magar tere najīb

kyuuñ rañg uḌā kaliyoñ kā kyuuñ chup haiñ anādil
gulshan ke jagah-dār ke kirdār se pūchho

ā.īna-e-ehsās ḳhad-o-ḳhāl hasīñ haiñ
tāsīr-e-vafā rañg-e-ruḳh-e-yār se pūchho

kyuuñ dast-e-hinā.ī dil-āzār se pūchho
rañg-e-gul-e-lāla lab-o-ruḳhsār se pūchho

ye kis kī surḳhī-e-ruḳh shaam ke chehre pe utrī hai
ki jis ke rañg meñ mil kar hue zaḳhm-e-jigar ġhā.eb

har guzarte hue be-rañg se mausam ke liye
ik na.ī rut ke na.e phuul yahāñ dhar jaanā

ġham bhī rakhte haiñ saath ḳhushiyoñ ke
zindagī meñ jo rañg bharte haiñ

na hove dard-e-sar 'yakrū' kuuñ paidā garmī-e-ġham suuñ
agar dekheñ piyā ke mukh kā rañg-e-sandalī añkhiyāñ

ishq sachchā hai to phir rañg-e-duī Thiik nahīñ
ham tire ho ga.e ab tū bhī hamārā ho jā

har-chand qayāmat hai tirī chashm kī shoḳhī
shoḳhī meñ magar rañg-e-hayā aur hī kuchh hai

kuchh rañg lagā.e bhī haiñ tasvīr-garoñ ne
yā hañs ke ye kāġhaz hī uḌāyā hai ki maiñ huuñ

ghuT ke lahreñ tire gītoñ kī suneñ mujh ko nazar aane lagā
ek talḳhāba kisī bāda-e-bad-rañg kā ik TuuTe hue sāġhar meñ

chunriyoñ meñ chūḌī meñ rañg kitne bhāte haiñ
rañg ke utarne meñ der kitnī lagtī hai

'farhat' tire naġhmoñ kī vo shohrat hai jahāñ meñ
vallāh tirā rañg-e-suḳhan yaad rahegā

darakte rañg bādal ḳhvāb ḳhushbū
samay kī saj se bahra-var rahā huuñ

paan meñ ye rañg kahāñ aap ne
aap mire ḳhuun kā da.avā kiyā

ek hamīñ kyā pech meñ haiñ us zulf-e-dotā kī ulfat se
mār-e-siyah ham-rañg hai apnā sumbul-e-tar bhī shāna bhī

tabī.at rañg meñ aa.e to ham chashm-e-tasavvur se
kisī be-jān manzar meñ nazāra DhūñDh lete haiñ