Tags-Raqeeb

terī hayā-e-chashm sā dekhā nahīñ raqīb
yaañ ehtiyāj kyā hai nigahbān dūsrā

is tarah zindagī ne diyā hai hamārā saath
jaise koī nibāh rahā ho raqīb se

aap apne raqīb haiñ ham log
kis qadar bad-nasīb haiñ ham log

dīvāne chāhtā hai agar vasl-e-yār ho
terā baḌā raqīb hai dil is se raah rakh

vo sab ke dil meñ basā thā habīb aisā thā
tamām shahr hī merā raqīb aisā thā

raat milā thā mujhe tanhā raqīb
yaar ḳhudā kā hī maiñ Dar kar gayā

rafāqatoñ kī sa.ādat liye rafīq aa.e
raqābatoñ kī nahūsat liye raqīb chale

mire āshnā bhī ajiib the na rafīq the na raqīb the
mujhe jaañ se dard aziiz thā unheñ fikr-e-chāragarī rahī

bīm-e-raqīb se nahīñ karte vidā-e-hosh
majbūr yaañ talak hue ai iḳhtiyār haif

siina sipar kar ā.ūñgā kūche meñ maiñ tire
garche raqīb baiThe haiñ vaañ tan se tan lagā

kiina shauq-e-raqīb thā ai dost
ki tabī.at se terī jā na sakā

uTh na jaa.e raqīb mahfil se
mujh ko pahlū meñ vo biThā na sakā

aaj us hasīñ se mil ke ajab kaifiyat meñ huuñ
koī raqīb ho to mire rū-ba-rū karo

vo ham-ḳhayāl hai uslūb us kā jo bhī ho
raqīb hī to hai chañgez ḳhaan thoḌī hai

raqīb ko bhī hai baar un kī bazm meñ 'āġhā'
sharīk-e-sohbat-e-bos-o-kanār ham bhī haiñ

aage hai ghar raqīb kā bas saath ho chukā
ab aap kā ḳhudā hai nigahbān jā.iye

dil meñ jo farq Daal diyā hai raqīb ne
ho jaa.e bar-taraf kahīñ ham tum agar hoñ jam.a

qābil-e-guftugū raqīb nahīñ
aap kis se kalām karte haiñ

raqīb us sañg-dil siiñ muntazir haiñ ham-kalāmī ke
suḳhan kartā hai kab vo koh-e-tamkīñ in ḳhafīfoñ siiñ

na raqīb hai na habīb hai mirā us se rishta ajiib hai
vo mile to dil ko sukūñ mile na mile to koī gila nahīñ