Tags-Raushni

muhāfiz ab charāġhoñ kā vahī hai
jo vāqif hī nahīñ kuchh raushnī se

bajā chāñd raushan hai sūraj se lekin
ye sūraj chamaktā hai kis raushnī se

raushnī der se āñkhoñ kī bujhī jaatī hai
Thiik se kuchh bhī dikhā.ī nahīñ detā mujh ko

kisī charāġh se shikva nahīñ kiyā maiñ ne
jalāyā ḳhūn-e-jigar aur raushnī kar lī

tum ThiThurtī guzartī hoī shaam kī mad-bharī raushnī se
churā.e hue chaar pal kī kathā

magar in vus.atoñ ko kaun bāñhoñ meñ sameTegā
kahāñ se aa.egī vo raushnī jo muntahī hogī

jismoñ se nikal rahe haiñ saa.e
aur raushnī ko nigal rahe haiñ

jab raushnī chamkī to uThāyā sar-e-sāhil
miTTī ke pyāle meñ thā sonā sar-e-sāhil

hamīñ pe yūrish-e-zulmat hamīñ haiñ kushta-e-shab
hamīñ haiñ pesh-rav-e-sub.h-o-raushnī phir bhī

ghup añdhere kā jal rahā hai charāġh
raushnī kā ajiib jaadū hai

charāġh ek ek kar ke raushnī karne lage the
mujhe in sab charāġhoñ se mohabbat ho rahī thī

chāndnī rātoñ kī bastī meñ huuñ maiñ sahmā huā
ḳhauf se lipTī huī hai raushnī chāroñ taraf

raushnī kā rañg phīkā paḌ gayā
tīrgī dīvār-o-dar tak aa ga.ī

maiñ diyā-salā.ī kī raushnī meñ talāsh kartā rahā tumheñ
magar apnā maqsad añdherī raat batānā ho kahīñ yuuñ na ho

shaam hone ko hai aur aañkh meñ ik ḳhvāb nahīñ
koī is ghar meñ nahīñ raushnī karne vaalā

raushnī jab se mujhe chhoḌ ga.ī
sham.a rotī hai sirhāne mere

chāñdnī chup rahī raushnī chup rahī
merī har baat par zindagī chup rahī

shohrat kī raushnī ho ki nafrat kī tīrgī
kyā kyā use diyā hai ḳhudā ne patā karo

chaḌhte sūraj kī tavajjoh rahī saarī us paar
raushnī kī to udhar sirf jhalak aa.ī thī

ajab hai raushnī tārīkiyoñ sī
ki maiñ huuñ aur mirā saayā nahīñ hai