Tags-Raushni

bachcha lālTain kī raushnī meñ paḌh rahā hai
būḌhā apnī duā.eñ baañT rahā hai

us ke chehre ke sāmne 'farhat'
rañg aur raushnī bhī zaa.il haiñ

raushnī se chhupāte haiñ chehre
jab añdherā zarā nahīñ hotā

jo raushnī hai diloñ meñ atā tumhārī hai
charāg tum sā nahīñ tum charāg jaise ho

ho ga.e saaf ayaañ rūh-o-badan ke nāsūr
raushnī maar ga.ī aaj ke insānoñ ko

maiñ ne dekhā hai vo nagar bhī jahāñ
raushnī kam nazar ziyāda thī

zulmatoñ meñ raushnī kī justujū karte raho
zindagī bhar zindagī kī justujū karte raho

usī kā jalva-e-zebā hai chāñdnī kyā hai
ye chāñd kyā hai ye sūraj kī raushnī kyā hai

abhī fazā meñ thī ik tez raushnī kī lakīr
na jaane TuuT ke taarā kahāñ girā hogā

maiñ din ko shab se bhalā kyuuñ alag karūñ saanī
ye tīrgī bhī to ik raushnī kā hissa hai

raushnī ban ke utar shaam ke mehrāboñ par
ab tire log tirī jalvagarī chāhte haiñ

na ḳhatra tīrgī se thā na ḳhatra tīrgī kā hai
dar-o-dīvār pe pahrā abhī tak raushnī kā hai

zindagī fikr-o-nazar kī raushnī
zindagī zāt-e-ilāhī kā shu.ūr

hai jin ke dil meñ ummīd-o-yaqīñ kī raushnī baaqī
charāġh-e-ārzū kī lau ko vo maddham nahīñ karte

raushan thā dil meñ sirf kisī yaad kā charāġh
ghar meñ koī bhī raushnī us ke sivā na thī

raushnī meñ kis qadar dīvār-o-dar achchhe lage
shahr ke saare makāñ saare khañDar achchhe lage

bujhte hue charāġh kī tābinda raushnī
vo raushnī ki jis ko churāne diye ga.e

batāo to andheroñ kī fasīloñ se pare āḳhir
kahāñ tak qāfila guzrā kahāñ tak raushnī aa.ī

dasht tārīk thā aur ḳhvāb thā kaalā merā
raushnī detā rahā kaan kā baalā merā

kisī ke paañv kī ragaḌ se aag sī lagī to thī kidhar ga.ī
nazar to aa.ī thī mujhe zarā sī der raushnī kidhar ga.ī