English
Favourite
Favourite
UrduShayarUrduShayar
Expand menu
Sign inAccount

Tags-Raushni

shahsavāroñ ne raushnī māñgī
maiñ ne baisākhiyāñ jalā Dālīñ
Sher
 shahsawaron ne raushni mangi
un ke katbe pe yahī vaqt ne likkhā hai ki vo
raushnī bāñTte the tiira nazar kahlā.e
Ghazal
 chob-e-sahra bhi wahan rashk-e-samar kahlae
mumkin nahīñ ki ġhaar meñ dil ke utar sake
māñge kī raushnī hai tumhāre charāġh meñ
Ghazal
 dair-o-haram mein dasht-o-bayaban-o-bagh mein
'adīl' jo the in āñkhoñ kī raushnī kal tak
vo chehre dekh rahā huuñ maiñ ḳhvāb hote hue
Ghazal
 jahan-e-ilm ka bab-e-nisab hote hue
diloñ meñ ishq kī sham.oñ kī raushnī do-chand
agar huī hai ayaañ aap hī ke dam se huī
Ghazal
 KHata-e-ishq ye taslim hai ki humse hui
paa.eñ jo raushnī tirī jalva-garī se ham
ho leñ qarīb aur bhī kuchh be-ḳhudī se ham
Ghazal
 paen jo raushni teri jalwa-gari se hum
dhuāñ dhuāñ hai fazā raushnī bahut kam hai
sabhī se pyaar karo zindagī bahut kam hai
Ghazal
 dhuan dhuan hai faza raushni bahut kam hai
shoḳh chanchal hai shab kī tanhā.ī
tū ne bhar dī hai raushnī mujh meñ
Ghazal
 tujhse wabasta zindagi mujh mein
raushnī qarz māñgtā hai kyoñ
uTh añdhere nichoḌ kar rakh de
Ghazal
 zindagi hath se sipar rakh de
raushnī kam hai na kar us kī shikāyat hamdam
raushnī kam hī rahe to achchhā
Nazm
 raushni kam hai
raushnī dil meñ agar ho ik sitāra hī bahut
Dūbte sūraj ke manzar se pareshāñ maiñ nahīñ
Ghazal
 ghar ki surat jo bhi ho us par hirasan main nahin
kal bhī isī dayār meñ thā raushnī kā qaht
aisā magar charāġh kā dhandā kabhī na thā
Ghazal
 qadmon se itna dur kinara kabhi na tha
ab āñsuoñ ke dhuñdlakoñ meñ raushnī dekho
hujūm-e-marg se āvāz-e-zindagī ko suno
Nazm
 tan-e-nahif se amboh-e-jabr haar gaya
sunī hai raushnī ke qatl kī jab se ḳhabar maiñ ne
charāġhoñ kī taraf dekhā nahīñ hai lauT kar maiñ ne
Ghazal
 suni hai raushni ke qatl ki jab se KHabar maine
raushnī ban ke sitāroñ meñ ravāñ rahte haiñ
jism-e-aflāk meñ ham sūrat-e-jāñ rahte haiñ
Ghazal
 raushni ban ke sitaron mein rawan rahte hain
hazār sham.a farozāñ ho raushnī ke liye
nazar nahīñ to añdherā hai aadmī ke liye
Sher
 hazar shama farozan ho raushni ke liye
shikasta ghar meñ koī chiiz bhī nahīñ puurī
kahīñ havā to kahīñ raushnī nahīñ puurī
Ghazal
 shikasta ghar mein koi chiz bhi nahin puri
tez jab gardish-e-hālāt huā kartī hai
raushnī din kī siyah raat huā kartī hai
Ghazal
 tez jab gardish-e-haalat hua karti hai
raushnī mujh ko milī hai to zarā jāñch to luuñ
aaj sab chehre naqāboñ se nikal aa.e haiñ
Ghazal
 sab tamannaon se KHwabon se nikal aae hain
tū kyuuñ uḌhātā hai mujh ko ye raushnī kī ridā
mujhe ḳhabar hai añdherā mirā muqaddar hai
Ghazal
 nafas nafas hai bhanwar chaDhti shab ka manzar hai
Top Urdushayar.com