Collections

Lab Shayari

Motivational Ghazals

Best Khamoshi Shayari

More Collections

Tags-Raushni

dīvār par shabīh banāeñgī uñgliyāñ
kam raushnī fareb ko panchhī batā.egī

mausam ka haal aankh ki khiDki bataegi

raunaq-e-dair-o-haram kā 'qādrī' kyā pūchhnā
raushnī ik sham.a kī do ghar meñ jab chhā.ī rahe

mausam-e-gul aa gaya phir dasht-paimai rahe

kaun hai jo jurm karne ko hai shab kā muntazir
raushnī meñ din kī yaaro kyā bhalā hotā nahīñ

shauq jab bhi bandagi ka rahnuma hota nahin

chiir kar parda-e-zulmat ko nidā-e-ġhaibī
raushnī bāñTne duniyā ko hamesha niklī

hadd-e-fasil to faqat dard ka sahra nikli

is liye raushnī meñ ThanDak hai
kuchh charāġhoñ ko nam kiyā gayā hai

kuchh zarurat se kam kiya gaya hai

nahīñ vo sham-e-mohabbat rahī to phir 'āsim'
ye kis duā se mire ghar meñ raushnī sī hai

nahin wo sham-e-mohabbat rahi to phir aasim

jagmagātī raushnī meñ ye nahāte sīm-tan
jaise utre hoñ zamīñ par chāñd taare shahr meñ

kis tarah zinda rahenge hum tumhaare shahr mein

raushnī bāñTī yahāñ maiñ ne charāġhoñ ke baġhair
zindagī tū ne bhī dekhā mujhe tāvān ke ba.ad

jaise mehman koi aae kisi mehman ke baad

kin zamānoñ pe munkashif huī huuñ
kin zamānoñ kī raushnī thī maiñ

kis ki khoi hui hansi thi main

terī mahfil meñ raushnī ke liye
āñsuoñ ke diye jalā.e haiñ

zer-e-lab aap gungunae hain

charāġh-e-rāh-e-mohabbat thī ḳhāk-e-ahl-e-vafā
qadam qadam pe 'karam' raushnī nazar aa.ī

ba-qadr-e-shauq nahin lutf-e-mahfil-arai

raushnī se tīrgī ta.abīr kar dī jā.egī
rañg se mahrūm har tasvīr kar dī jā.egī

raushni se tirgi tabir kar di jaegi

bujhā ke rakh gayā hai kaun mujh ko tāq-e-nisyāñ par
mujhe andar se phūñke de rahī hai raushnī merī

bujha ke rakh gaya hai kaun mujhko taq-e-nisyan par

raushnī ko rañg kar ke le ga.e jis raat log
koī saaya mere kamre meñ chhupā rotā rahā

mere sine par wo sar rakkhe hue sota raha

aarzū hai sūraj ko aa.ina dikhāne kī
raushnī kī sohbat meñ ek din guzārā hai

aarzu hai suraj ko aaina dikhane ki

ek maiñ hī raushnī ke ḳhvāb ko tarsā nahīñ
aaj to sūraj bhī jab niklā to andhā ho gayā

main faqat is jurm mein duniya mein ruswa ho gaya

raushnī aur kuchh baḌhā jā.ūñ
soz-e-ġham aur bhī nikhār mujhe

baKHsh de kuchh to etibar mujhe

raushnī aur tīrgī kī sarhadeñ thāme hue
darmiyāñ din raat ke bahtā hai dhārā shaam kā

le gaya wo sath apne husn sara sham ka

chāroñ taraf hai sham-e-mohabbat kī raushnī
parvāne DhūñD DhūñD ke laa.ī jidhar mile

karte bhi kya huzur na jab apne ghar mile

tirī duz-dīda-nigāhī kā ḳhayāl aate hī
dil meñ ik raushni-e-kashf-e-hijābāt huī

zindagi jab se shanasa-e-muhaallat hui