Tags-Raushni

dekhūñ us kī chāñdnī chāñd se bhī shaffāf
aur sunahrī raushnī apnā jamāl kare

duur tak raushnī hai ġhaur se dekh
maut bhī zindagī hai ġhaur se dekh

rañgīnī-e-fikr aur merī raushnī-e-tama.a
kuchh la.al-o-gohar aur ugal jaa.e to achchhā

ab kitnī hai der raushnī meñ
ab kitnī shaboñ kā marhala hai

dāġh-e-dil se bhī raushnī na milī
ye diyā bhī jalā ke dekh liyā

tirī sham.a chhoḌ aayā tirī masjidoñ meñ yārab
maiñ tujhī ko DhūñDtā huuñ tirī raushnī se aage

rahtī hai shams-o-qamar ko tire saa.e kī talāsh
raushnī DhūñDhtī phirtī hai añdherā terā

vo āftāb meñ hai aur na māhtāb meñ hai
jo raushnī ki tire husn-e-be-naqāb meñ hai

khūñTī pe laTke ik lamp kī
piilī piilī raushnī meñ

mirī raushnī tire ḳhadd-o-ḳhāl se muḳhtalif to nahīñ magar
tū qarīb aa tujhe dekh luuñ tū vahī hai yā koī aur hai

pal do pal kā saath hai ab raushnī kā chal paḌeñ
shaam hai ik katba-e-qabr-e-javāñ khole hue

marqad-e-tīra meñ kaafī hai mujhe
dāġh-e-saudā raushnī ke vāste

har-chand shahr shahr hai jashn-e-sahar magar
vo raushnī kahāñ hai saverā kaheñ jise

maiñ ne diye kī lau pe tirā ism kyā paḌhā
ik raushnī sī phuuT paḌī thī fasīl se

charāġh-e-rāhguzar laakh tābnāk sahī
jalā ke apnā diyā raushnī makān meñ lā

be-tukī raushnī meñ parā.e andhere liye
ek manzar hai tere liye ek mere liye

kis kā sho.ala jal rahā hai sho.alagī se māvarā
kaun raushan hai bhalā is raushnī se māvarā

dil-e-fasurda meñ yuuñ terī yaad aa.ī hai
shab-e-siyāh meñ jis tarah raushnī kī kiran

ḳhud-parastiyoñ ne bhī ḳhuub raushnī baḳhshī
ban gayā añdheroñ meñ ek sañg ā.īna

kuchh raushnī ke daaġh ujāle kā ek zaḳhm
kuchh to hai shab ke dil meñ zar-o-māl kī tarah