Tags-Raushni

charāġh-e-ḳhufta charāġh-e-raushan se jagmagātā rahā hamesha
maqām-e-hastī ke in añdheroñ pe ḳhashmagīñ raushnī nahīñ hai

na.e ujāle udaas rūheñ na.e savere bujhe hue haiñ
ye ek dhokā hai raushnī kā dil-e-hazīñ raushnī nahīñ hai

sub.h-e-kāzib raushnī ke jaal meñ aane lagī
sīm-gūñ sūraj ujāle par kamar-basta rahā

jahāñ pe sūraj chamak rahā hai vahīñ pe zulmat baras rahī hai
maiñ kyuuñ na zulmat se pyaar kar luuñ ki dil-nashīñ raushnī nahīñ hai

hamārā zauq-e-nigāh ab tak hai gumrahī kī naqāb oḌhe
ajab tamāshā hai tere jalvoñ meñ mah-jabīñ raushnī nahīñ hai

na mujh ko bahkāo in ujāloñ kī mehr-afroz rañgtoñ se
fareb hai ye kisī kiran kā nahīñ nahīñ raushnī nahīñ hai

baḌhe haiñ manzil kī samt ham bhī shuā-e-'baḳht'-e-jamīl le kar
hameñ taraddud nahīñ hai koī agar kahīñ raushnī nahīñ hai

mirā ḳhayāl thā kuchh aage raushnī ho gī
maiñ jāntā nahīñ thā duur tak añdherā hai

sab raushnī kī bhūl-bhulayyoñ meñ kho ga.e
jitnī burā.iyāñ thiiñ añdheroñ ke sar ga.iiñ

ek saaya sā phaḌphaḌātā hai
koī shai raushnī se guzrī hai

vo jis ke naam kī nisbat se raushnī thā vajūd
khaTak rahā hai vahī āftāb āñkhoñ meñ

āñkhoñ ke ghar meñ aa.ī nahīñ raushnī 'kuñvar'
TuuTā hai phir se niiñd kā taalā to kyā huā

maiñ faqat chaltī rahī manzil ko sar us ne kiyā
saath mere raushnī ban kar safar us ne kiyā

nuur ye kis kā basā hai mujh meñ
raushnī had se sivā hai mujh meñ

is raushnī meñ chehra chhupāoge kab talak
tum māñgte ho raat magar raat kaise ho

vo raushnī jo tū ne hameñ dī thī din Dhale
vo raushnī bhī ham ne luTā dī galī galī

manzaroñ se bahalnā zarūrī nahīñ ghar se bāhar nikalnā zarūrī nahīñ
dil ko raushan karo raushnī ne kahā raushnī ke liye ek taaza ġhazal

vādī-e-jāñ meñ daf.atan kaisī ye raushnī huī
kis kī nazar ne kar diye manzar-e-shab meñ vā charāġh

bujhā ke rakh de ye koshish bahut havā kī thī
magar charāġh meñ kuchh raushnī anā kī thī

haiñ āñdhiyoñ meñ bhī raushan charāġh-e-haq 'afzal'
añdhere kaise samajh paa.eñ raushnī kā mizāj