Tags-Raushni

sab chāñdnī kisī kī ināyat thī chāñd par
us dāġhdār show pe kavar raushnī kā thā

sūraj pe tū ne aañkh tarerī thī yaad kar
bīnā.iyoñ pe phir jo asar raushnī kā thā

ik chāñd tīrgī meñ samar raushnī kā thā
phir bhed khul gayā vo bhañvar raushnī kā thā

zarre ko āftāb banāyā thā ham ne aur
dhartī pe qahr shām-o-sahar raushnī kā thā

raushnī mahdūd ho jin kī 'ḳhumār'
un charāġhoñ ko bujhāte jā.iye

ye sāneha bhī baḌā ajab hai ki apne aivān-e-rañg-o-bū meñ
haiñ jam.a sab mahr o maah o anjum patā nahīñ phir bhī raushnī kā

intihā nuur kī āñkhoñ meñ na zulmat bhar de
raushnī had se ziyāda na baḌhāo yaaro

kabhī is raushnī kī qaid se bāhar bhī niklo tum
hujūm-e-husn ne saara sarāpā gher rakkhā hai

hai raushnī itnī ki dikhā.ī hī na kuchh de
varna hameñ is taaq meñ daatā nazar aatā

huā paḌā hai yūñhī kalba-e-nazar tārīk
ki aaj us ke sarāpā ne raushnī nahīñ kī

yahāñ to parda-e-sīmīñ pe chal rahī hai film
maiñ jis jagah huuñ vahāñ raushnī kī qaid meñ huuñ

kuchh nahīñ de rahā sujhā.ī hameñ
is qadar raushnī kā kyā kiije

le sambhal zulmatoñ ke rakhvāle
apnā ab raushnī usuul huī

malgajī sī raushnī meñ ek peḌ
kāñptī uñglī se mujh par ḳhanda-zan

sāqiyā mai kahāñ hai shīshe meñ
raushnī āftāb kī sī hai

kā.enāt-o-nūr-o-zulmat hai mirā apnā vajūd
raushnī meñ bhī mirā saaya numā.inda rahā

hai hilāl o badr meñ ik nuur par jo raushnī
dil meñ nāqis ke hai vo kāmil ke dil meñ aur hai

kahīñ duur dikhtī hai kuchh raushnī
kuchh imārateñ

yuuñ palak par jagmagānā do ghaḌī kā aish hai
raushnī ban kar mire andar hī andar phail jā

gandum kī bāliyoñ se bahut raushnī huī
is raushnī se qarz na utrā kisān kā