Collections

Lab Shayari

Motivational Ghazals

Best Khamoshi Shayari

More Collections

Tags-Relationship

ho na ho dasht-o-chaman meñ ik ta.alluq hai zarūr
bād-e-sahrā.ī bhī ḳhushbū meñ uThā laa.ī bahut

dard mein lazzat bahut ashkon mein ranai bahut

mar ga.e phir bhī ta.alluq hai ye mai-ḳhāne se
mere hisse kī chhalak jaatī hai paimāne se

mar gae phir bhi talluq hai ye mai-KHane se

kis liye tark-e-ta.alluq pe nadāmat hai tujhe
ai mirī jaan mujhe koī shikāyat nahīñ hai

sab hain masruf kisi ko yahan fursat nahin hai

ik zarā sī baat par kyuuñ kar ta.alluq toḌ duuñ
vo purānā yaar bhī hai merā ham-sāya bhī hai

ranjishon ne jazba-e-iKHlas garmaya bhi hai

ham tark-e-ta.alluq kā gilā bhī nahīñ karte
tum itne ḳhafā ho ki jafā bhī nahīñ karte

hum tark-e-talluq ka gila bhi nahin karte

vo dil ko tire husn-e-ḳhud-ārā se ta.alluq
vo ḳhaak se paimān-e-nazar yaad to hogā

ek shaKHs jawan KHak-basar yaad to hoga

sunā hai yuuñ bhī akasr zikr un kā
ki jaise kuchh ta.alluq hī nahīñ hai

tera jalwa nihayat dil-nashin hai

nahīñ hai koī ta.alluq agar mirā tujh se
to phir ye chehrā tirā zard zard sā kyuuñ hai

ye dard ka hai musalsal jo silsila kyun hai

dair o ka.aba hī is kā na ta.alluq samjho
zindagī hai ye ḳharābāt bhī ho jaatī hai

munqalib surat-e-haalat bhi ho jati hai

tumhāre sard ravayye se saaf zāhir hai
hamārā kuchh to ta.alluq bahāl rah gayā hai

junun KHatm hua etidal rah gaya hai

chalo kahīñ pe ta.alluq kī koī shakl to ho
kisī ke dil meñ kisī kī kamī ġhanīmat hai

chalo kahin pe talluq ki koi shakl to ho

ho ta.alluq gul-ruḳhoñ se to mazā har baat meñ
kyā banāvaT kyā khīñchāvaT kyā lagāvaT kyā bigāḌ

un ke hote kaun dekhe dida-o-dil ka bigaD

ka.ī rāteñ huiiñ khiḌkī meñ ghar kī
ta.alluq kā nayā mahtāb dekhe

zamana ho gaya hai KHwab dekhe

ḳhudā kare ki unheñ ye milāp raas aa.e
havāoñ se jo ta.alluq baḌhā rahe haiñ charāġh

badan mein rang bhare lahlha rahe hain charagh

jaarī ho be-mahār ta.alluq kī salsabīl
ik aisī barshgāl kā ummīd-vār huuñ

subh-e-wajud hun ki shab-e-intizar hun

qubūl tark-e-ta.alluq nahīñ hai lekin ham
tumhāre hukm kī ta.amīl karnā chāhte haiñ

nae mizaj ki tashkil karna chahte hain

us taraf ab ruḳh-e-ta.alluq hai
jahāñ sūd-o-ziyān-e-zāt nahīñ

tark-e-wada ki tark-e-KHwab tha wo

kab talak rahiye tire hijr meñ pāband-e-libās
kījiye tark-e-ta.alluq hī ye armān hai aaj

ghair ke hath mein us shoKH ka daman hai aaj

ġhair se koī ta.alluq hī na rakh ai jañg-jū
gar bigaḌ mujh se bigaḌ jo kuchh bane mujh par bane

jis ko aadat wasl ki ho hijr se kyunkar bane

sab se tark-e-ta.alluq kar luuñ
ḳhud se rasm-o-rāh baḌhā.ūñ

bazm sanwarun ghazlen gaun