Tags-Sabr

shab-e-firāq ne chhoḌā na sabr-o-tāb-e-shakeb
lagī ye aag ki asbāb sab jalā dil kā

tum bhī karoge jabr shab o roz is qadar
ham bhī kareñge sabr magar iḳhtiyār tak

sar bachā.e rahā sabr kā sā.ebāñ
āsmāñ se to barsāt hotī rahī

katā sabr fariyād kar chup na rah tuuñ
karūñ aah ā.hāñ tuuñ niiñ hotā āgāh

udhar mizha ne lagā.ī barchhī idhar nigāhoñ ne tiir maare
shikast dī fauj-e-sabr-e-dil ko ye kis ne āñkheñ laḌā laḌā kar

ham shauq kā naama likhte haiñ ki sabr ai dil kyuuñ rotā hai
ye kyā tarkīb hai ai zālim ham likhte haiñ tū dhotā hai

qat.a ummīd ho to sabr aa.e
roz ik intizār rahtā hai

sabr bin aur kuchh na lo hamrāh
kūcha-e-ishq tañg hai yaaro

be-ruḳhī aap kī mere dil-e-majbūr kā sabr
kaun aatā hai mire kaam kahāñ tak dekhūñ

añdherī raat hai ḳheme meñ ik diyā bhī nahīñ
kahāñ haiñ sabr ko qindīl karne vaale log

sitam-shi.āroñ hamārā tum imtihān na lo
hamāre sabr se sad inqalāb jāgte haiñ

jaate hue vo sabr-o-sukūñ saath le gayā
bahte hue sukūn ke dhāre nahīñ rahe

nādāriyoñ meñ sabr kī ne.amat se the ġhanī
daulat baḌhī to baḌh ga.iiñ be-e.atinā.iyāñ

sabr se intizār karnā siikh
achchhe din aate aate aate haiñ

sabr kā rakh liyā bharam ham ne
aur nam jazb-e-āstīn kiyā

hausla kis meñ thā jo detā barābar kā javāb
sabr karnā hī paḌā un kā ravayya dekh kar

sabr ke fā.ede bahut haiñ vale
dil hī bas meñ na ho to kyā kiije

lo vo aate haiñ jald hazrat-e-dil
fikr-e-sabr-e-gurez-pā kiije

'sīmāb' duā kījiye kyā sabr-o-sukūñ kī
shā.ista-e-taskīñ dil-e-ġhamnāk nahīñ hai