Tags-Sabr

mahfil-e-sāz-o-tarab matl.a-e-vīrāñ kyuuñ hai
sheva-o-sabr-o-sukūñ dil se gurezāñ kyuuñ hai

shakeb o taab o hosh o sabr soz-e-ġham se sab sulgā
huā to.ama ġharaz apnā tamām asbāb ātish kā

sīm-o-zar se na sahī sabr-o-qanā.at se sahī
mujh se ḳhuddār kī jholī bhī to bhar dī jaa.e

ye sabr kab tak nibhā.e jā.ūñ maiñ ḳhud se nazreñ churā.e jā.ūñ
jo shām-e-hijrāñ ne jaan khaa.ī har ek va.ade se laḌ paḌuñgī

ḳhizāñ kā daur gayā mausam-e-bahār aayā
magar na us dil-e-be-sabr ko qarār aayā

dhartī par rakh deñ to dhartī ke TukḌe ho jaa.eñ
sabr o ġham kā patthar haiñ siine se lagā.e ham

qasam hai vāda-e-sabr-āzmā-e-jānāñ kī
ki lazzat-e-abadī hai to intizār meñ hai

sabr-e-shauq-e-vasl-e-jānāñ kyā karūñ
par lagā kar bhī uḌā jaatā nahīñ

ret par mujh ko gumāñ paanī kā thā
sabr merā imtihāñ paanī kā thā

yak-laḳht hue ruḳhsat sab sabr-o-shakebā.ī
taḌpā ga.ī jab aa.ī us samt se purvā.ī

āshiqī sabr-talab aur tamannā betāb
dil kā kyā rañg karūñ ḳhūn-e-jigar hote tak

maza to jab hai ki ai sabr-o-zabt-e-ishq ik din
vo ḳhud salām kare jo mirā salām na le

juz sabr dilā chāra nahīñ ishq-e-butāñ meñ
karte haiñ ye zulm aur tazallum se ziyāda

chāra-e-dil sivā.e sabr nahīñ
so tumhāre sivā nahīñ hotā

vo tuul khīñchā balā kā tire taġhāful ne
ki sabr aa hī gayā mere muztarib dil ko

tū sukūn-o-sabr miTā.e jā ġham-e-ishq mujh ko rulā.e jā
ho taḌap taḌap ke sahar mujhe yahī dard-e-dil tirā kaam hai

kal un ke bhī ḳhayāl ko maiñ ne jhaTak diyā
had ho ga.ī hai mere bhī sabr-o-qarār kī

phir soch ke ye sabr kiyā ahl-e-havas ne
bas ek mahīna hī to ramzān rahegā

ai sabr tanik tū rah ki tujh se
do-chār qadam maiñ peshtar huuñ

sabr kī aur zabt kī ye manzileñ haiñ āḳhirī
azm ahl-e-bait kā kyā dekhtī hai karbalā