Collections

Lab Shayari

Motivational Ghazals

Best Khamoshi Shayari

More Collections

Tags-Sad

chār-sū dasht meñ phailā hai udāsī kā dhuāñ
phuul sahme haiñ havā Thahrī hai manzar chup haiñ

shahar KHamosh hai sab neza-o-KHanjar chup hain

udāsī shaam tanhā.ī kasak yādoñ kī bechainī
mujhe sab sauñp kar sūraj utar jaatā hai paanī meñ

udasi sham tanhai kasak yaadon ki bechaini

apnī sanjīda ravish aur udāsī chhoḌūñ
ġham ke asnām ko but-ḳhāna-e-dil meñ toḌūñ

holi khelne ki farmaish par

ye koī baat hai jo tujh ko batā.ī jaa.e
shaam ke vaqt udāsī kā sabab kyā hogā

ab ke mausam mein tera shahr wo kaisa hoga

haal mausam kā hī pūchhegā vo jab pūchhegā
mujh se kab merī udāsī kā sabab pūchhegā

haal mausam ka hi puchhega wo jab puchhega

is se pahle ki sar utar jaa.eñ
ham udāsī meñ rañg bhar jaa.eñ

is se pahle ki sar utar jaen

mire vajūd ke andar hai ik qadīm makān
jahāñ se maiñ ye udāsī udhār letī huuñ

mere wajud ke andar hai ek qadim makan

phūloñ kī tāzgī meñ udāsī hai shaam kī
saa.e ġhamoñ ke itne to gahre kabhī na the

ek dil ki KHatir itne to fitne kabhi na the

likhe bhī jaao lauh-e-ḳhāk par naqsh-e-udāsī
ki aatī sā.ateñ harf-e-shahādat chāhtī haiñ

hamare shahr mein aane ki surat chahti hain

sajā to liye ham ne dīvār-o-dar
udāsī abhī tak makānoñ meñ hai

zaban hai magar be-zabanon mein hai

kab hameñ apnī udāsī kī ḳhabar thī ai 'zeb'
muskurā.e haiñ to dekhā hai ki dil shaad nahīñ

tu pasheman na ho main shad hun nashad nahin

ek yaḳh-basta udāsī hai dil o jaañ pe muhīt
ab mirī ruuh meñ baaqī hai na umiid na josh

shikast

mez chup-chāp ghaḌī band kitābeñ ḳhāmosh
apne kamre kī udāsī pe taras aatā hai

raat sunsan hai

ḳhālī āñkheñ sulag rahī haiñ ḳhushk haiñ aañsū
andar andar dil kī udāsī chīḳh rahī hai

har lamha dil-doz KHamoshi chiKH rahi hai

milī hai ishq kī sauġhāt jab se
udāsī terā āñchal ho ga.ī huuñ

main aab-e-ishq mein hal ho gai hun

mujh meñ haiñ gahrī udāsī ke jarāsīm is qadar
maiñ tujhe bhī is maraz meñ mubtalā kar jā.ūñgā

mujh mein hain gahri udasi ke jarasim is qadar

terī furqat hī udāsī kā sabab hai ab ke
terī qurbat bhī hameñ raas nahīñ thī pahle

dard mein shiddat-e-ehsas nahin thi pahle

tujh se mil kar bhī udāsī nahīñ jaatī dil kī
tū nahīñ aur koī merī kamī ho jaise

phul par os hai aariz pe nami ho jaise

rātoñ ke ḳhauf din kī udāsī ne kyā diyā
saa.e ke taur leT ke chalnā sikhā diyā

raaton ke KHauf din ki udasi ne kya diya

maiñ ik adhūrī sī tasvīr thā udāsī kī
kiyā hai us ne mukammal tabāh kar ke mujhe

Dara rahe hain ye manzar bhi ab to ghar ke mujhe