Tags-Sad

ga.ī shab aañkh meñ jo mar gayā thā
udāsī ḳhvāb vo sahlā rahī hai

kahīñ se aa rahī hai terī ḳhushbū
udāsī duur hotī jā rahī hai

mujh par ik ghanghor udāsī tujh par rañg aur nuur
merā chehra ban hai pyaar se terā chehra shahr

ab anjuman meñ baiThā huuñ gum-sum kahūñ bhī kyā
duzdīda ik udāsī churā le ga.ī mujhe

bahut dinoñ se hai dil apnā ḳhālī ḳhālī sā
ḳhushī nahīñ to udāsī se bhar ga.e hote

suhānī shaam ke mausam meñ kyuuñ udāsī hai
havā udhar se chalī to kahāñ pe Thahregī

merī vafā hai us kī udāsī kā ek baab
muddat huī hai jis se mujhe ab mile hue

suḳhan merā udāsī hai sar-e-shām
jo ḳhāmoshī pe taarī ho ga.ī hai

piile pattoñ ke saa.e meñ ik anjān udāsī thī
zard fazā meñ baiThe rahe the raat kī raanī jugnū aur maiñ

milan judā.ī taḌap udāsī
ye khel saarā samajh liyā thā

ba.az auqāt udāsī ko manāne ke liye
apne hone kī dalīloñ se mukar jaatā huuñ

maiñ kar rahā thā duā kī guzārisheñ us se
so kah ga.ī hai udāsī kī shaam ishq ba-ḳhair

mastī bhī umīdeñ bhī hasrat bhī udāsī bhī
mujh ko tirī āñkhoñ ne har tarah navāzā hai

ġharīb-ḳhāne kī ye udāsī ye nā-durustī nahīñ qadīmī
chahal pahal bhī kabhī yahāñ thī kabhī ye ghar bhī sañvar chukā hai

burīda-sar paḌā hai kushta-e-ummīd sahrā meñ
udāsī ḳhaak par baiThī huī āñchal bhigotī he

udāsī har sahar kahtī hai mujh se bazm-e-anjum kī
uTh ai ġham-dīda uTh mahv-e-bukā hone kā vaqt aayā

ḳhālī ḳhālī rastoñ pe be-karāñ udāsī hai
jism ke tamāshe meñ ruuh pyāsī pyāsī hai

har ek shai pe vahī gard hai udāsī kī
tum aa ga.e ho to lagtā hai ye jahāñ hai nayā

shahr-e-ġham kī ek udāsī dil meñ har-dam rahtī thī
dīvāroñ se sar Takrānā ham ko achchhā lagtā thā

us ke patthar jaise chup-chup chehre par
ik sañgīn udāsī nāchtī rahtī hai!