Tags-Sad

ḳhushī meñ us kī na aa.e nazar udaas koī
magar udāsī meñ us kī guzar ḳhushī kā nahīñ

apne apne lahū kī udāsī liye saarī galiyoñ se bachche palaT ā.eñge
dhuup kī garm chādar simaTte hī phir ye sunahrī parinde palaT ā.eñge

phūloñ kī tāzgī meñ udāsī hai shaam kī
saa.e ġhamoñ ke itne to gahre kabhī na the

bhaTak rahe ho udāsī ke dasht meñ 'āfāq'
tumheñ ye kis ne kahā thā ki āshiqī kar lo

ye vahshateñ ye udāsī ye ratjagoñ ke azaab
usī kī haiñ ye ināyāt us se kah denā

is tarah to aur manzar kī udāsī baḌh ga.ī
maiñ kahīñ ḳhud meñ nihāñ thā kyuuñ nikālā hai mujhe

udāsī ke dhuñdlakoñ kā dimāġh-o-dil pe chhā jaanā
nazar ke sāmne ik gum-shuda manzar kā aa jaanā

bikhar hī jā.ūñgā maiñ bhī havā udāsī hai
fanā-nasīb har ik silsila udāsī hai

kahīñ zarūr ḳhudā ko mirī zarūrat hai
jo aa rahī hai falak se sadā udāsī hai

udaas lamhoñ ne kuchh aur kar diyā hai udaas
tire baġhair to saarī fazā udāsī hai

batā rahā hai jo rasta zamīñ dishāoñ ko
hamāre ghar kā vo raushan diyā udāsī hai

bichhaḌ na jaa.e kahīñ tū safar añdheroñ meñ
tire baġhair har ik rāstā udāsī hai

koī kis tarah dhokā khaa.e is ātish-bayānī kā
udāsī terī ai sham-e-sahar kuchh aur kahtī hai

ik udāsī thī raat thī ham the
aur phir hājat-e-ḳhushī na rahī

tum ga.e ho ye vatan chhoḌ ke jis din se 'sa.īd'
ik udāsī dar o dīvār pe chhā.ī huī hai

hamāre ghar kī dīvāroñ pe 'nāsir'
udāsī baal khole so rahī hai

udāsī kā samundar dekh lenā
mirī āñkhoñ meñ aa kar dekh lenā

bayāñ thā roz-e-avval ye mire dil kī udāsī kā
baḌī us ghar kī ābādī ye hai mātam-sarā hogā

ek udāsī dil par chhā.ī rahtī hai
mere kamre meñ tanhā.ī rahtī hai

aaj mohabbat kā janm-din hai
aaj ham udāsī kī chhurī se