Tags-Sad

kyā kyā na hameñ ghar kī udāsī se gila thā
ab shahr se nikle haiñ to hairān khaḌe haiñ

mujhe vahāñ se udāsī bulā rahī thī aaj
jahāñ se shām-o-sahar koī dekhtā thā mujhe

ye log mujh se udāsī kī vaj.h pūchhte haiñ
batā chukā huuñ tirā naam ik jahān ko maiñ

ḳhud banā letā huuñ maiñ apnī udāsī kā sabab
DhūñD hī letī hai 'shāhīñ' mujh ko vīrānī mirī

dil ke armān ka.ī ahl-e-suḳhan raat ga.e
ek gumnām udāsī ko sunā kar so.e

ghar ke bāhar bhī udāsī na ga.ī
ghar se ghabrā ke jo ghar chhoḌ aa.e

udāsī ke piile daraḳhtoñ kī shāḳhoñ se chipke hue
sabz pattoñ meñ terā tajassus

maiñ dekhtā huuñ ye chhīñTe lageñ ge kis ke haath
mujhe jo aaj udāsī se haath dhonā paḌā

jaadū sā alam kā kar ga.ī 'sāz'
un āñkhoñ kī multafit udāsī

ghul sī ga.ī ruuh meñ udāsī
raas aa.ī na ham ko ḳhud-shanāsī

mirī udāsī kā jab bhī unheñ huā ma.alūm
tumhārā pūchhne aa.iiñ saheliyāñ merī

halkī sī ḳhalish dil meñ nigāhoñ meñ udāsī
shāyad yūñhī hotī hai mohabbat kī shurūāt

dard-o-ġham aur udāsī ke sivā kaun aatā
jin ko bhejā thā mire ghar meñ ḳhudā ne aa.e

shajar ki jin se udāsī Tapaktī rahtī hai
ye sañg-e-mīl haiñ shāyad mirī nazar ke liye

mohabbat par udāsī chhā rahī hai
hai kyā anjām aur kyā ibtidā thī

ajab fazā hai
ajab udāsī

hamāre dil kī udāsī kisī ko kyā ma.alūm
hamīñ samajh na sake kyuuñ hai hichkiyoñ kā jhunD

udāsī chhā ga.ī chehre pe sham-e-mahfil ke
nasīm-e-sub.h se shole bhaḌak uThe dil ke

badhā.ī chahkīñ duā.eñ gūñjī tamām chehre ḳhushī se jhūme
qubūl hai tiin baar bolī ek parda-nashīñ udāsī

mire shabistāñ ke paas koī burī tarah kal sisak rahā thā
maiñ us ke siine se lag ke bolā nahīñ udāsī nahīñ udāsī