Tags-Sad

tilism toḌ diyā ik sharīr bachche ne
mirā vajūd udāsī kā isti.ārā thā

udāsī aaj bhī vaisī hai jaise pahle thī
makīñ badalte rahe haiñ makāñ nahīñ badlā

maiñ girtā huuñ bistar pe jab TuuT kar
udāsī dabātī hai sar rāt-bhar

soch abhī se phir kyā hogā biit ga.ī jab raat milan kī
ek udāsī rah jā.egī paa.el kī jhankār ke pīchhe

sukūt-e-shām kā manzar hai aur bujhī āñkheñ
udāsī had se baḌhī hai to kitnī pyārī hai

mire ghar se ziyāda duur sahrā bhī nahīñ lekin
udāsī naam hī letī nahīñ bāhar nikalne kā

hañste hue chehre pe bhī aatī hai udāsī
hai chāñd kī taqdīr meñ thoḌā sā gahan bhī

hotī thī kabhī mahfil-e-ahbāb meñ raunaq
taarī hai vahāñ ab to udāsī bhī ghuTan bhī

raat tum yaad bhī nahīñ aa.e
phir udāsī sī kyuuñ sahar meñ hai

udāsī ke ufuq par jab tumhārī yaad ke jugnū chamakte haiñ
to merī ruuh par rakkhā huā ye hijr kā patthar

har kivāḌ Duubā hai be-karāñ udāsī meñ
aur har darīcha hī sogvār is ghar kā

jo atā ho visāl-e-jānāñ kī
vo udāsī kamāl kī hogī

'azm' udāsī kā ye sahrā yuuñ qadmoñ se lipTā hai
jalne vāloñ ko mil jaa.e jaise Thahar jaane kā ġham

kāġhaz ke bane phuul jo gul-dān meñ rakhnā
titlī kī udāsī ko bhī imkān meñ rakhnā

faqat udāsī mirā dukh batā nahīñ paatī
ai mere āñsūo dard-e-nihāñ se kuuch karo

zard peḌoñ pe shaam hai giryāñ
jī udāsī ke dasht meñ hairāñ

sabhoñ siiñ mukh moḌ kar mirā dil prit ke fan meñ huā udāsī
namāz jī siiñ niyāz kī paḌh saf-e-junūñ kā imaam dastā

ghar udāsī ne paḌāv hai kiyā muddat se
ḳhvāb kamroñ meñ sajā rakkhe haiñ katboñ kī tarah

mire hoñToñ pe bikhrā ye tabassum Dhaal hai merī
ki jaane kab udāsī kā kahīñ ḳhanjar nikal aa.e

tum the shāmil thī udāsī bhī janāze par mire
ho chuke ruḳhsat hameñ ab tum pe marnā hī nahīñ