Tags-Safar

mahsūs ho rahā hai ki maiñ ḳhud safar meñ huuñ
jis din se rail par maiñ tujhe chhoḌne gayā

kaisī mushkil zamīn kā hai safar
hai radīf aur qāfiya hī nahīñ

us ko na.e safar meñ na.e ham-safar ke saath
dil ḳhush huā hai kyoñ ye ziyā dekhte hue

zindagī sirf kaḌī dhuup safar lambā hai
kahīñ saaya nazar aayā to mujhe yaad aayā

dil ko ma.amūr karo jazb-o-asar se pahle
naqsh-e-manzil chamak uTTheñge safar se pahle

kas bojh se jism TūTtā hai
itnā to kaḌā safar nahīñ thā

āġhāz-e-safar meñ jab chale the
kab ham ne koī diyā jalāyā

koī rafīq-e-safar thā na rāhbar koī
junūñ kī raah meñ 'gulnār' jāda-paimā thī

koī jugnū koī dīpak kiran ho yā sitāra ho
safar meñ raat aa pahuñchī koī to ab hamārā ho

vo pech-o-ḳham jahāñ kī har ik rahguzar meñ hai
ḳhud kārvān-e-vaqt bhī ab tak safar meñ hai

kahīñ ye sail-e-safar rā.egāñ na sābit ho
ki justujū ke shab-o-roz kā shumār nahīñ

safar meñ tum hamāre saath rahnā
kahīñ ham rāstoñ meñ kho na jaa.eñ

kaif-āvar thā ibtidā meñ ishq
aur baaqī safar udāsī kā

ab to kisī mahkār kī yādoñ kā safar hai
aur maiñ kisī bhūle hue qisse kī tarah huuñ

dam-e-ruḳhsat mirī palkoñ pe do qatre the ashkoñ ke
kiyā hai zindagānī ke safar ko muḳhtasar maiñ ne

hazāroñ ārzūeñ rah ga.iiñ gard-e-safar ho kar
sajā rakkhī hai palkoñ pe vahī gard-e-safar maiñ ne

ḳhatm hotā nahīñ phūloñ kā safar
roz ik shāḳh hilā detā huuñ

har saal in sub.hoñ ke safar meñ ik din aisā bhī aatā hai
jab pal bhar ko zarā sarak jaate haiñ merī khiḌkī ke aage se ghūmte ghūmte

kaam itnī hī faqat rāhguzar aa.egī
ham-safar jā.egā aur yād-e-safar aa.egī

vo mahz dhuup kā musāfir thā
ham-safar āftāb thā us kā