Tags-Safar

ye koī baat hai utnī phailī huī zindagī meñ faqat ik tirā intizār
muntazir to tire ham raheñge magar kaise kaise hamāre safar jā.eñge

har ḳhvāb ke safar meñ mire paañv ke tale
aa kar khisakne vaalī zamīnoñ kī ḳhair ho

mutma.in huuñ rah-e-isyāñ meñ tirī rahmat se
vo musāfir huuñ ki tashvīsh-e-safar kuchh bhī nahīñ

ki be-sāz-o-sāmān thā is liye
mujhe har safar be-irāda milā

tanhā.iyāñ hī shauq se phir ham-safar huiiñ
jab nashsha-e-junūn-e-rifāqat utar gayā

kise ḳhabar thī
ek musāfir mustaqbil zanjīr karegā aur safar ke sab ādāb badal jā.eñge

kyā jāniye 'qalaq' ki irāda hai apnā kyā
matlab se kuchh safar na sar-e-mudda.ā maqām

ġhazab ye hai shabāb meñ mirā suhāg luT gayā
safar meñ thā jo ham-safar usī kā saath chhuT gayā

gardish bhī us ke kūche meñ hai aur qarār bhī
qismat to dekhiye ki safar meñ vatan huā

kuchh dhuñdle dhuñdle ḳhvāb haiñ kuchh kāñpte charāġh
zād-e-safar yahī hai kuchh is ke sivā to ho

sab dost mire muntazir-e-parda-e-shab the
din meñ to safar karne meñ diqqat bhī bahut thī

dariyā paar safar kī jab tayyārī kī
mausam ne har baar baḌī ġhaddārī kī

is vāste tanhā use jaane nahīñ detī
jugnū ko añdheroñ kā safar tañg karegā

sunā rahī hai havā apne hī safar-nāme
ajiib shor ghane jañgaloñ ke andar hai

apne pairoñ pe abhī qarz-e-safar baaqī hai
hadd-e-imkān se aage bhī nikalnā hogā

safar meñ achānak sabhī ruk ga.e
ajab moḌ apnī kahānī meñ thā

phir vahī shab vahī tavīl safar
ḳhatm ye silsila nahīñ hotā

safar hī bas kār-e-zindagī hai
azaab kyā hai savāb kyā hai

dekh ke tere des kī rachnā
maiñ ne safar mauqūf kiyā thā

ek tavīl safar kā jhoñkā
mujh ko duur liye jaatā thā