Tags-Sahil

jab tai ho mulāqāt us āshufta-sarī se
tum aur hī kuchh rañg pahannā sar-e-sāhil

paanī pe makāñ jaise makīñ aur kahīñ ġham
kuchh aise nazar aa.ī thī duniyā sar-e-sāhil

ham log karachi ke ajab log haiñ sāhab
khānā hai samundar meñ to piinā sar-e-sāhil

tuġhyān-e-havādis kī hamdam itnī hī navāzish kyā kam hai
kashtī na sahī sāhil na sahī tūfāñ to hamāre hote haiñ

maiñ ki sāhil kā tamannā.ī thā lekin ab to
apne āġhosh meñ letā nahīñ girdāb mujhe

abhī kuchh Thokareñ khānī haiñ tūfān-e-havādis meñ
kahīñ kashtī mirī sharminda-e-sāhil na ho jaa.e

ummīd-e-bāryābī to mujh ko na thī magar
sāhil pe aa gayā maiñ samundar ajiib thā

husn-e-barham se mirā arz-e-tamannā karnā
jaise tūfān meñ sāhil se kinārā karnā

ubhrā huuñ jin se bār-hā mujh meñ the sab bhañvar
Duubā jahāñ pahuñch ke vo sāhil bhī maiñ hī thā

āshnā-e-murād-e-sāhil hai
vo jo tūfāñ ko nāḳhudā samjhe

un ke sīnoñ meñ hai tūfān-e-balā āsūda
ye jo sāhil pe subuksār nazar aate haiñ

lamhoñ ke sāhil par shorish-e-hastī lahreñ gintī hai
jaane kitnī ummīdeñ is raat ke dil meñ rotī haiñ

har samundar kā ek sāhil hai
hijr kī raat kā kinārā nahīñ

sāhil se ham-kanār kare yā Dubo hī de
maujoñ kā ye ubhār muqaddar kī baat hai

kyā hasrat se dekh rahe haiñ hameñ ye jagmag se sāhil
haa.e hamāre hāthoñ se bhī chhūTe haiñ patvār kahāñ

jab nazar aayā na sāhil un kī chashm-e-nāz meñ
kyā dikhā.ī degā vo dariyā kī gahrā.ī ke ba.ad

sauñp ke maujoñ ko bechainī
pyāsā sāhil sotā hogā

ahl-e-kashtī ko to sāhil ke hī ḳhvāb aate haiñ
taktā rahtā hai safīnoñ ke samundar chehre

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

tanhā sāhil ḳhvāb gharauñdā aas jazīra merā hai
niilā bādal saat samundar pāñch zamīneñ terī haiñ