Tags-Saqi

paimāna merī umr kā labrez ho kahīñ
saaqī mujhe bhī ab to pyāla pilā chuke

saaqī kuchh aaj tujh ko ḳhabar hai basant kī
har sū bahār pesh-e-nazar hai basant kī

mirī bātoñ se ab āzurda na honā saaqī
is ghaḌī aql mirī mujh se judā phirtī hai

har chand lutf-o-mehrbānī pesh aa.e
hargiz koī us shoḳh ko saaqī na banā.e

vo uTThī vo aa.ī vo ghaTā chhā ga.ī saaqī
mai-ḳhāne pe allāh kare TuuT ke barse

sahrā ho sehn-e-bāġh ho yā kohsār ho
saaqī jahāñ pilā.e vahīñ par bahār ho

chashm-e-sāqī mujhe har gaam pe yaad aatī hai
rāstā bhuul na jā.ūñ kahīñ maiḳhāne kā

mad.hosh kar de saaqī tū chashm-e-nāznīñ se
mai-kash nazar kī bāda-paimā.ī chāhtā hai

māñgtā hai ham se saaqī qatre qatre kā hisāb
ġhair se koī hisāb-e-besh-o-kam hotā nahīñ

ne havā ne abr ne saaqī ne mai
kījiye is tarah tā-kai zindagī

dekhnā lāla-e-ḳhud-rav kā lahaknā saaqī
koh se dauḌ ga.ī aag bayābāñ kī taraf

mujh rind-pāk kā kabhī chullū na bhar diyā
saaqī tire karam se har ik yaar chhak gayā

pyāsā mat jalā saaqī mujhe garmī siiñ hijrāñ kī
shitābī lā sharāb-e-ḳhām ham ne dil ko bhūnā hai

chaḌhī hai kachche ghaḌe kī aisī bañdhī hai ye dhun hameñ bhī saaqī
chakhā.eñ vaa.iz ko aaj ham bhī zarā mazā shahad-o-añgbīñ kā

tahlīl ho na jaa.e kahīñ rūh-e-kā.enāt
saaqī jo ye latāfat-e-kaif-e-nazar hai aaj

ḳhālī hai mirā sāġhar to rahe saaqī ko ishārā kaun kare
ḳhuddārī-e-sā.il bhī to hai kuchh har baar taqāzā kaun kare

nigāh-e-nāz se saaqī kā dekhnā mujh ko
mirā vo haath meñ sāġhar uThā ke rah jaanā

hai āftāb piyāla farishta-ḳhū saaqī
ḳham-e-falak hai subū-e-sharāb-ḳhāna-e-ishq

mudām dil meñ rahe dāġh-e-ulfat-e-sāqī
na be-charāġh ho yārab sharāb-ḳhāna-e-ishq