Tags-Saqi

ajab nahīñ ki tujhe bhī pasand aa.e ye qaul
jhuke na dil to ibādat harām hai saaqī

mere saaqī ke pesh sāġhar-e-chashm
shīshe ko kab sar-e-sujūd nahīñ

saaqī ke saath raunaq-e-mai-ḳhāna bhī ga.ī
TuuTe paḌe haiñ shīsha-o-sāġhar idhar-udhar

tamannā hai saaqī kabhī bazm-e-mai meñ
vo sarshār ho aur hushyār maiñ huuñ

saaqī baaqī jo kuchh hai le le
baaqī saaqī sharāb de de

saaqī qadah-e-sharāb de de
mahtāb meñ āftāb de de

saaqī tirī nigāh kā andāz dekh kar
mai-kash ba-qadr-e-zarf taqāzā na kar sake

chāñd itnā na chamaktā kabhī dekhā saaqī
mai-kade meñ jo subū raat tumhāre chamke

is havā meñ rahm kar saaqī ki be-jām-e-sharāb
dekh kar chhātī bharī aatī hai bārāñ kī taraf

kahte hue saaqī se hayā aatī hai varna
hai yuuñ ki mujhe durd-e-tah-e-jām bahut hai

mujhe dekhnī terī himmat thī saaqī
bahut dekhnā thā na kam dekhnā thā

ajab shauq se dast-e-sāqī meñ ham ne
surāhī mai-e-arġhavānī kī dekhī

saaqī kī nigāhoñ ne pilā dī hai kuchh aisī
jām-e-mai-e-gul-fām ke ḳhvāhāñ na rahe ham

ḳhair saaqī kī salāmat mai-kada
jis qadar pī utnī hushyārī baḌhī

saaqī kī nigāh-e-mast mujhe jab yaad 'shamīm' aa jaatī hai
us vaqt hī apne taaq se maiñ shīshoñ ko utārā kartā huuñ

ġhair ko saaqī ne jab bhar kar diyā jām-e-sharāb
āñ.suoñ se ho gayā labrez paimānā mirā

zahr-āb mere vāste vo le to aa.egā
saaqī se jaam ham ko pilāyā na jā.egā

sab tirī mast-nigāhī kā karam hai saaqī
riñd jo bhī yahāñ hosh se begāna hai

ye saaqī ne sāġhar meñ kyā chiiz de dī
ki tauba huī paanī paanī hamārī

sharāb o gul-badan saaqī maze aish-o-tarab har-dam
bahār-e-zindagī kahiye to hai mausam javānī kā