Tags-Saqi

rakhe hai rañg kuchh saaqī sharāb-e-nāb ātish kā
muqattar kyā kiyā le kar gul-e-shādāb ātish kā

phir is ke baad hameñ tishnagī rahe na rahe
kuchh aur der muravvat se kaam le saaqī

savāl-e-jām tire mai-kade meñ ai saaqī
javāb-e-gardish-e-lail-o-nahār hotā hai

evaz-e-bāda ġham-e-sāqī meñ
ḳhūn-e-dil apnā piyā karte haiñ

apne saaqī ko shab-e-furqat meñ
paanī pī pī ke duā karte haiñ

kyā ġham hai chhalak jaa.e sāġhar mirā ai saaqī
vo tāknā paimāna āmāj se afzūñ hai

saaqī mirā khiñchā thā to maiñ ne manā liyā
ye kis tarah mane jo dharī hai khiñchī huī

agar kuchh hosh ham rakhte to mastāne hue hote
pahuñchte jā lab-e-sāqī kuuñ paimāne hue hote

bā-ehtirām sāġhar-o-mīnā baḌhā diye
saaqī ne merī jur.at-e-rindāna dekh kar

yaqīn jaan le saaqī ki ḳhum kī ḳhair nahīñ
ḳhudā na-karda jo ab ke mujhe ḳhumār aayā

kuchh aisī aaj pilā.ī hai chashm-e-sāqī ne
na hosh hai na koī hoshiyār baaqī hai

ye havā sard chalī aur ye bādal aa.e
kaho saaqī se ki sāġhar chale botal aa.e

saaqī idhar to dekh ki ham dair-e-mast haiñ
kuchh mastī-e-nigah bhī milā de sharāb meñ

zindagī-bhar ke sāthī haiñ mere
jaam saaqī gilās tanhā.ī

aa rahe haiñ ashk āñkhoñ meñ ab ai saaqī na chheḌ
bas chhalakne kī kasar baaqī hai sāġhar bhar chale

thī jise saaqī se 'zafar' nisbat
tishna lauTā vo bāda-ḳhāna se

de jaam talattuf se saaqī ba-lab-e-tishna
dil pyaas se jab kumlā paimāna huā to kyā

talavvun chashm-e-sāqī meñ taġhayyur vaz-rindī meñ
hamāre mai-kade meñ roz paimāne badalte haiñ

jab jaam diyā thā saaqī ne jab daur chalā thā mahfil meñ
ik hosh kī saa.at kyā kahiye kuchh yaad rahī kuchh bhuul ga.e