Tags-Saqi

ye dil kī tishnagī hai yā nazar kī pyaas hai saaqī
har ik botal jo ḳhālī hai bharī ma.alūm hotī hai

zahr-e-chashm-e-sāqī meñ kuchh ajiib mastī hai
ġharq kufr o īmāñ haiñ daur-e-mai-parastī hai

ba-zāhir chashm-e-sāqī mahv-e-ḳhvāb-e-nāz hai lekin
javāb-e-nargis-e-bedār bhī ma.alūm hotī hai

saaqī ke haath se mastī meñ jab koī sāġhar chhūT gayā
mai-ḳhāne meñ ye mahsūs huā har mai-kash kā dil TuuT gayā

saaqī mai sāġhar paimāna mere bas kī baat nahīñ
sirf inhī se dil bahlānā mere bas kī baat nahīñ

chashm par nashsha-e-sāqī jo rahī aks-fagan
chuur mastī se har ik sāġhar-e-sarshār rahā

pī bhī jā shaiḳh ki saaqī kī ināyat hai sharāb
maiñ tire badle qayāmat meñ gunahgār rahā

tishna-e-husn huuñ ai sāqī-mai-ḳhāna-e-husn
apne hoñToñ se phir ik jaam pilā de aa kar

apnī nazreñ bikher de saaqī
mai ba-andāza-e-ḳhumār nahīñ

kitne saaqī ma-e-gulfām liye phirte haiñ
aur ham haiñ ki tahī-jām liye phirte haiñ

shīshe kī parī tujh meñ kyā husn kā aalam hai
saaqī na ho phir bhī to ye ghar hai parī-ḳhāna

saaqī khultā hai paimāna khultā hai
sachche rindoñ par mai-ḳhāna khultā hai

bazm-e-sāqī se uThāne kī hameñ
koshisheñ duniyā ke ġham karte rahe

saaqī tujhe ik thoḌī sī taklīf to hogī
sāġhar ko zarā thaam maiñ kuchh soch rahā huuñ

mai-e-ishrat kī ḳhvāhish sāqi-e-gardūñ se kyā kiije
liye baiThā hai ik do chaar jām-e-vāzh-gūñ vo bhī

maut kā sard haath bhī saaqī
mujh ko ḳhāmosh kar nahīñ saktā

vahī saaqī vahī sāġhar vahī shīsha vahī baada
magar lāzim nahīñ har ek par yaksāñ asar honā

ye bhī nashe meñ kyuuñ na mire saath chuur ho
saaqī ḳhudā ke vāste rakh de gilās paas

mai-ḳhāne meñ jab ham se faqīroñ ko na pūchhā
ye kahte hue chal diye saaqī kā bhalā ho

aap meñ bhī to rahī ātish-e-tar kī tezī
aag paanī meñ ye saaqī ne lagā.ī kyūñkar