Collections

Lab Shayari

Motivational Ghazals

Best Khamoshi Shayari

More Collections

Tags-Saqi

sarmast-e-shahādat haiñ tire ishq meñ saaqī
āb-e-dam-e-ḳhanjar ko mai-e-nāb banāyā

mahbub-e-KHuda ne tujhe nayab banaya

harīf-e-joshish-e-dariyā nahīñ ḳhuddārī-e-sāhil
jahāñ saaqī ho tū bātil hai da.avā hoshiyārī kā

latafat be-kasafat jalwa paida kar nahin sakti

qadam qadam pe sadā-e-shikast-e-tauba hai
nisār-e-laġhzish-e-sāqī hazār paimāne

nigah-e-yar yunhi aur chand paimane

tujh se shikva nahīñ saaqī tirī sahbā ne magar
dushmanī koī nikālī hai mire jaam ke saath

kyun na ho zikr mohabbat ka mare nam ke sath

chashm-e-tar par gar nahīñ kartā havā par rahm kar
de le saaqī ham ko mai ye abr-e-bārāñ phir kahāñ

umr aaKHir hai junun kar lun bahaaran phir kahan

sar-bulandī kā nasha jin ko chaḌhā hai saaqī
shauq se vo tirī dahlīz pe sar rakhte haiñ

jo tere ru-e-daraKHshan pe nazar rakhte hain

mujh tak kab un kī bazm meñ aatā thā daur-e-jām
saaqī ne kuchh milā na diyā ho sharāb meñ

milti hai KHu-e-yar se nar iltihab mein

mastī meñ nazar chamak rahī hai saaqī
saarī mahfil mahak rahī hai saaqī

masti mein nazar chamak rahi hai saqi

are saaqī zarā merī sharāb-e-talḳh to laanā
mai-e-kausar to bilkul añgbīñ ma.alūm hotī hai

zamin mai-kada-e-arsh-e-barin malum hoti hai

ye aur baat raat javāñ thī javāñ rahī
saaqī udāsiyoñ ke mujhe jaam de gayā

tujhse bichhaD ke dard tera ham-safar raha

mai-kashoñ ko muzhda sadiyoñ ke pyāsoñ ko naved
apnī mahfil apnā saaqī le ke ab aate haiñ ham

ishq ka naghma junun ke saz par gate hain hum

hamāre dil meñ kahāñ aable haiñ ai saaqī
chune hue haiñ ye shīshe sharāb ke ghar meñ

qadam na rakh meri chashm-e-pur-ab ke ghar mein

ba-faiz-e-rasm-e-mai-ḳhāna badalte hī rahe saaqī
jo bin māñge pilā.e sāqī-e-gulfām hai 'sūfī'

mohabbat mein wafaon ka yahi inam hai sufi

maiñ ḳhud hī chalā jā.ūñgā maiḳhāne se uTh kar
saaqī se jo laḌ jaa.e nazar jaam se pahle

leta hun tera nam har ek nam se pahle

nāseh kī shikāyat vahī zaḳhm-e-jāñ hai
sāqī-o-sharāb hī kā nauha-ḳhvāñ hai

naseh ki shikayat wahi zaKHm-e-jaan hai

saaqī sambhāltā hai to jaldī mujhe sambhāl
varna uḌā ke paañ nasha-e-banj le chalā

qarun uTha ke sar pe suna ganj le chala

hamārī tishnagī bujhtī nahīñ shabnam ke qatroñ se
jise sāqī-garī kī sharm ho ātish-ba-jām aa.e

sitaron ke payam aae bahaaron ke salam aae

thā jalānā hī agar dūri-e-sāqī se mujhe
to charāġh-e-dar-e-mai-ḳhāna banāyā hotā

ya mujhe afsar-e-shahana banaya hota

daur-e-sāqī meñ bhī ulTī bahī gañgā har roz
jab diyā jām-e-mai-e-nāb to aġhyāroñ ko

id ho jae abhi talib-e-didaron ko

is baat pe nārāz thā saaqī ki sar-e-bazm
kyuuñ aa.ī piyāloñ se sadā aur tarah kī

is shahr mein chalti hai hawa aur tarah ki