Tags-Sawal

jo kī mohabbat to sochnā kyā
savāl hoñge javāb hoñge

sharmindagī kā zaḳhm na gahrā lage kahīñ
kuchh is qadar darāz na dast-e-savāl kar

ye band lab haiñ ki koī khulī huī sī kitāb
mire savāl pe is dam to boltā koī

sadā-e-ahd-e-vafā ko zavāl kyuuñ aayā
lab-e-sukūt pe harf-e-savāl kyuuñ aayā

dabī zabāñ se guzārish hai nāgavār agar
to kyā savāl uThāne kī baat kartā huuñ

chhoḌ bhī dete mohtasib ham to ye shaġhl-e-mai-kashī
zid kā savāl hai to phir jā isī baat par nahīñ

koī bhī raah kā patthar nazar nahīñ aatā
maiñ dekhtā huuñ use hairat-e-savāl mujhe

jab savāl aayā ki ik mazmūn shā.ir par likheñ
to javāban amn kā shā.ir payambar likh diyā

vahī saa.il vahī mas.ūl vahī hājat-mand
gar ho maqrūn-e-ijābat to savāl achchhā hai

dikhā ke chehra-e-māzī ke ḳhadd-o-ḳhāl tujhe
savāl-e-daur-e-ravāñ lā-javāb kar degā

'sā.el' ne savāl us se kiyā jab bhī ye dekhā
miltā nahīñ gaalī ke sivā koī javāb aur

ham kyā kareñ savāl ye sochā nahīñ abhī
vo kyā javāb deñge ye dhaḌkā abhī se hai

kis ke dast-e-savāl meñ hai ik lambī chup kā charāġh
jhāñktā hai kyuuñ ik khiḌkī se koī chehra bahut

apnā hī savāl ai 'dil' hai javāb is bazm meñ āḳhir kyā kahiye
kahnā hai vahī jo sunñā hai sunñā hai vahī jo kahnā hai

merā javāb kyā thā tujhe bhī ḳhabar nahīñ
yaad ab tirā savāl mujhe bhī nahīñ rahā

mirī jagah pe koī aur ho to chīḳh uTThe
maiñ apne aap se itne savāl kartā huuñ

hazār chashm-e-tamannā banegī dast-e-savāl
nikal ke ḳhalvat-e-ġham se nazar uThāo to

merī pahchān batāne kā savāl aayā jab
ā.inoñ ne bhī haqīqat se mukarnā chāhā

kiyā savāl jo maiñ ne vafā ke qātil se
zabāñ pe qufl lagā thā javāb kyā detā

sambhāl apnī nigāhoñ meñ vāpsī ke savāl
mire javāb ke pindār se guzar ke na jā