Tags-Sawal

ḳhamoshiyoñ kī zabāneñ haiñ surḳh āñkhoñ meñ
ajiib tarz-e-takallum hai ik savāl ke ba.ad

jamā huā thā un āñkhoñ meñ ek savāl
kis ne milāyā zahr mirī guḌ-dhānī meñ

ajiib thā dard-e-nā-rasā.ī
sadā-ba-sahrā savāl tak thā

vo hoñ āmāda-e-javāb agar
ham sarāpā savāl ho jaa.eñ

maiñ apnī ḳhāmī-e-tarz-e-bayāñ pe nādim huuñ
mirā savāl hī ḳhud ban gayā javāb mujhe

javāb dene kī itnī jaldī paḌī thī sab ko
savāl ye hai savāl kyā hai koī na samjhā

ḳhamoshiyoñ meñ savāl kyā hai koī na samjhā
hameñ hai kyā ġham malāl kyā hai koī na samjhā

unheñ ḳhabar hī nahīñ hai ḳhud apne hone kī
jo har savāl se pahle javāb māñgte haiñ

bajā hai apnī aqīdat magar savāl ye hai
vo aadmī ho to kyūñkar ḳhudā nazar aa.e

rāste ā.īne bane paañv tamām rañg the
is pe bhī ye savāl vo kaise safar meñ gum huā

jo savāl important aatā hai har ik baab meñ
ġhaur se dekhā hai us ko din-dahāḌe ḳhvāb meñ

qadam qadam pe añdhere savāl karte haiñ
ye kaise nuur kā tarz-e-bayāñ haiñ sab ke sab

zamīñ bhī terī hai ham bhī tere ye milkiyat kā savāl kyā hai
ye qatl-o-ḳhūñ kā rivāj kyuuñ hai ye rasm-e-jañg-o-jidāl kyā hai

kisī savāl kā chehra kisī ḳhayāl kā phuul
navāh-e-jāñ meñ kahāñ harf-e-mo'tabar koī

javāb-nāma siyāhī kā apnī hai vo zulf
kisū ne hashr ko ham se agar savāl kiyā

na hoñ ḳhvāhisheñ na gilā koī na jafā koī
na savāl ahd-e-vafā kā ho vahī ishq hai

jur.at-e-shauq ke sivā ḳhalvatiyān-e-ḳhās ko
ik tire ġham kī āgahī tā-ba-savāl le ga.ī

giitā kā tazkira ho to gautam se guftugū
aur ved kī zabāñ meñ javāb-o-savāl ho

munsif-e-vaqt āḳhirash tujh ko bhī chup sī lag ga.ī
merā savāl pūchh ke un kā javāb jaan ke

fazā kī jab mo'atabar matānat gurez-pā ho ke rah ga.ī hai
kahāñ likhegā vo ḳhāmushī se savāl paḌh kar javāb baabā