Tags-Sawal

roz sūraj ki taraf se ye savāl aatā hai
kyā maiñ un chand sitāroñ kā galā ghoñT aayā

jo māñgā ik bosa maiñ ne un se to bole kyā tū saḌī huā hai
zarā ye bāteñ suno to logo javāb kyā hai savāl kyā hai

duāoñ meñ mirī yuuñ to bahut tāsīr hai lekin
maiñ us se aur kyā māñgūñ savāl-e-yār se pahle

lab sil ga.e the apne anā ke savāl par
go dil hī dil meñ mujh se vo maiñ us se tañg thā

savāl chhoḌ ki hālat ye kyuuñ banā.ī hai
use na sun jo kahānī sunī-sunā.ī hai

bas ek varzish-e-tahrīr lauh-e-hastī par
bas ik savāl kī dhun ḳhud savāl hote hue

savāl aa ga.e āñkhoñ se chhin ke hoñToñ par
hameñ javāb na dene kā fā.eda to milā

bahut hī talḳh thā ya.anī sharāb aisā thā
savāl yaad nahīñ hai javāb aisā thā

sharmsār-e-javāb ho na sakā
bas-ki ḳhuddār thā savāl apnā

guzrī savāl-e-vasl ke chakkar meñ saarī umr
fursat na mil sakī use guft-o-shunīd kī

vo mujh se miltā ḳhamosh rahtā ḳhamoshiyoñ par hī daad paatā
magar jo nazroñ se munfarid se savāl hote kamāl hote

pa-e-ilzām aa rukīñ mujh par
saarī āñkheñ savāl hote hue

zihānateñ thiiñ tirī yā anāḌī-pan apnā
savāl vasl se pahle hī lā-javāb hue

savāl us se hamārā kahāñ nibāh kā hai
mutāliba hai magar sirf ik nigāh kā hai

javāb chīḳh uThe haiñ savāl chīḳh uThe
kahīñ pe lafz kahīñ par ḳhayāl chīḳh uThe

mirā vajūd sarāpā javāb hai kis kā
nahīñ savāl to phir ye savāl sā kyā hai

savāl ye hai ki raftār kis kī kitnī hai
maiñ āftāb se aage nikal ke dekhūñgā

vo ek Dūbtī āvāz-e-bāz-gasht ki aa
savāl maiñ ne kiyā thā javāb maiñ ne diyā

kyuuñ maiñ ne dil diyā hai kise maiñ ne dil diyā
ai aql aaj mujh se na itne savāl kar

dil meñ ḳhayāl hai na nazar meñ savāl hai
baaqī nahīñ hai koī nishāñ jāgte raho