Tags-Saya

jalāo dil ki har saaya ho raushan
añdhere chain se baiThe hue haiñ

ik aas kā dhundlā saaya hai ik paas kā taptā sahrā hai
kyā dekh rahe ho āñkhoñ meñ in āñkhoñ meñ kyā rakkhā hai

hai jism sho.ala hī sho.ala to jaañ hai pyaas hī pyaas
aur apnā saaya sarāb-e-tapāñ dikhā.ī de

vo dhuup hai ki sulagtā hai saaya paaoñ tale
ḳhamīr-e-ḳhāk bhī aag aur dhuāñ dikhā.ī de

vo aur hoñge jo kār-e-havas pe zinda haiñ
maiñ us kī dhuup se saaya badal ke aayā huuñ

maiñ ne hī kaaT diiñ sab phailtī shāḳheñ varna
is ghane peḌ kā saaya mire sar par hotā

ham nikal aa.e haiñ ab dhuup meñ jalne ke liye
koī bādal nahīñ bheje koī saaya na kare

is zāviye se peḌ lagāyā hai bhaa.ī ne
aatā nahīñ zarā sā bhī saaya mirī taraf

sūraj kī talab meñ ka.ī nazrāne diye haiñ
ghar ke dar-o-dīvār se saaya nahīñ utrā

ab ek vādī-e-nisyāñ meñ chhuptā jaatā hai
vo ek saaya ki yādoñ kī rahguzar meñ rahā

na koī shaḳhs na saaya kahīñ nagar meñ thā
balā kā ḳhvāb-e-tamāshā mirī nazar meñ thā

kisī parinde ne uḌne kā man banāyā hai
vo koī aur nahīñ merā hī to saaya hai

'munīr' is mulk par aaseb kā saaya hai yā kyā hai
ki harkat tez-tar hai aur safar āhista āhista

dil ke jalte hue zaḳhmoñ kā mudāvā ban kar
phuul mahke haiñ tire haath kā saaya ban kar

asr ke vaqt mere paas na baiTh
mujh pe ik sāñvlī kā saaya hai

kisī nekī kā saaya thā saroñ par
jo lamhe āfatoñ ke Tal rahe the

roz ye ḳhvāb Darātā hai mujhe
koī saaya liye jaatā hai mujhe

balā kī dhuup thī maiñ jal rahā thā
badan us kā thā aur saaya mirā thā

basī hai jañg-e-sirañgā-paTām āñkhoñ meñ
kisī shahīd pe saaya kiye haiñ shamshīreñ

yuuñ jhiil meñ zau-rez tirā saaya hai maano
paanī kī añgūThī meñ nagīna sā jaḌā hai