Tags-Saya

ḳhizāñ kī zad pe thā dushman kī bhī nigāh meñ thā
vo sāya-dār shajar jo hamārī raah meñ thā

hasrat-e-lutf-e-azīzān-e-chaman jī meñ rahī
sar pe dekhā na gul-o-sarva kā saaya ham ne

is ġhurbat kī dhuup meñ 'shā.ir' apnoñ kā saaya bhī na thā
jis ġhurbat kī dhuup meñ ham ko yaad aa.e begāne tak

dhuup chamkī to mehmāñ kī tarah
saaya dīvār-o-dar se niklā thā

sahal lagtā hai tujhe kyā safar-e-sher-o-suḳhan
umr-bhar dhuup meñ jhulse haiñ to saaya huā hai

kaun hotā hai sharīk-e-safar-e-tanhā.ī
merā saaya hī mirā dushman-e-jānī niklā

galī ke moḌ pe Thahrā huā thā ik saaya
libās chup kā badan par nibāh jaisā thā

roz jab dhuup pahāḌoñ se utarne lagtī
koī ghaTtā huā baḌhtā huā bekal saaya

agar hai daulatoñ meñ dam ḳharīdo tum mirā saaya
maiñ vo baijū jo akbar ke bulāne par nahīñ aayā

phir is ke ba.ad kahāñ jā.eñge ye sāya-pasand
idhar kī dhuup kisī din udhar na paḌ jaa.e

ye ruuh raqs-e-charāġhāñ hai apne halqe meñ
ye jism saaya hai aur saaya Dhal rahā miyāñ

kahīñ azaab na ban jaa.e us kā saaya bhī
sutūn TuuTe hue sā.ebān ūñchā hai

suraj kī tez dhuup meñ dhoka har ek shai
kaalī ghaTā sī raat meñ saaya sarāb hai

ishq ke tanhā safar meñ koī saaya DhūñD le
dhuup meñ chaltā rahā to tishnagī baḌh jā.egī

mujh se milne shab-e-ġham aur to kaun aa.egā
merā saaya hai jo dīvār pe jam jā.egā

anjāne ḳhvāb kī ḳhātir kyuuñ chain gañvāyā
kab vaqt kā panchhī Therā kab saaya haath meñ aayā

shāḳh meñ sabza dhuup meñ saaya vāpas aayā
raat ko chhū kar din kā jhoñkā vāpas aayā

peḌ ko apnā hī saaya nahīñ miltā logo
fasl apnī kabhī paate nahīñ bone vaale

shajar to raah kā saaya haiñ un ko kyā mālūm
kahāñ se aayā musāfir kidhar ravāna huā

na ho basta-e-chīn-e-kamand-o-rasan rahe bhāgtā hai vo ba-dasht-e-ḳhutan
tirī chashm ho us pe jo sāya-fagan kabhī pā-e-ġhazāl na ram se chhuTe