Tags-Sayyad

zulm-e-sayyād sahā jaa.e yakāyak kyūñkar
ham asīrān-e-qafas taaza giraftār haiñ sab

katar ke jaal bhī sayyād kī razā ke baġhair
tamām umr na uḌtī asiir aisī thī

kāñpte hāthoñ se khultā na qafas ai sayyād
kaash manzūr bhī tū merī rihā.ī kartā

sayyād kī ulfat se phañse aan ke varna
the kaahe ko ham is qafas o daam se vāqif

ham garche falak-parvāz bhī haiñ aur tāroñ ke hamrāz bhī haiñ
sayyād pe aayā rahm hameñ ḳhud shauq se zer-e-dām aa.e

jahāñ ke sayyād ke shikārāñ tamām mar kar shikār hote
jo dām-e-ulfat meñ aa girā so muā nahīñ hai huā hai jiitā

imtihān hasrat-e-parvāz kā manzūr huā
zab.h kar ke mujhe sayyād ne par khol diye

phir bahār aa.ī mire sayyād ko parvā nahīñ
uḌ ke maiñ pahuñchūñ chaman meñ kyā karūñ par vā nahīñ

qaid-e-qafas meñ hasrat-e-parvāz kyuuñ rahe
sayyād jo uḌā de mire bāl-o-par kahīñ

na to sayyād hai na kunj-e-qafas
kahīñ bijlī meñ abr-e-tar se gire

jo jānte haiñ baḌh ke nasheman se qafas ko
par aisoñ ke sayyād katartā hī nahīñ hai

sayyād se gul karte rahe jaan kā saudā
maalī ne lahū kā koī dariyā nahīñ dekhā

bāġhbāñ ghaat meñ sayyād hamesha maujūd
āshiyāñ baaġh meñ bulbul kaho kyūñkar bāñdhe

tohmat-e-hasrat-e-parvāz na mujh par bāñdhe
vaj.h kyā khol ke sayyād ne phir par bāñdhe

mutma.in baiTh tū sayyād na kar qaid-e-shadīd
huuñ maiñ pāband-e-mohabbat tirā be-par bāñdhe

ho chukā thā jo mire tez-parī se āgāh
chust kar ke mire sayyād ne shahpar bāñdhe

ek bulbul bhī chaman meñ na rahī ab kī fasal
zulm aisā hī kiyā tū ne ai sayyād ki bas

hujūm-e-rezish-e-ḳhūñ ke sabab rañg uḌ nahīñ saktā
hinā-e-panja-e-saiyyād murġh-e-rishta bar-pā hai

charḳh-e-be-mehr se kam tū bhī nahīñ hai zālim
āshiyāñ kaise havāle tire sayyād karūñ

vo tasallī hī sahī ai sayyād
kuchh muayyan mirī mī.ād to kar