Tags-Sayyad

sayyād ne luuTā thā anādil kā nasheman
sayyād kā jalte hue ghar dekh rahā huuñ

ho ke pāband-e-ulfat-e-sayyād
zindagī be-qafas ke kaaTī hai

phir qafas meñ shor uTThā qaidiyoñ kā aur sayyād
dekhnā uḌā degā phir ḳhabar rihā.ī kī

masraf hai sab ye bālish-e-sayyād kā tire
bismil na bhariyo ḳhuun se tū bāl-o-par kahīñ

gulshan se vo juuñ laayā bulbul ne diyā jī ko
qismat ke upar apnī sayyād bahut royā

merī taraf se ḳhātir-e-sayyād jamā hai
kyā uḌ sakegā tā.ir-e-be-bāl-o-par kahīñ

dast-e-sayyād se chhūTe to uchhal pai-dar-pai
varna kyā fā.eda ai āhu-e-dil astoñ se

dil meñ taaza ġham-e-āshiyāñ hai abhī mere nāloñ se barham na sayyād ho
dhīre dhīre ye aañsū bhī tham jā.eñge rafta rafta ye dil bhī bahal jā.egā

aañkh kholī hai to sayyād ke ghar kholī hai
ham qafas par hī nasheman kā gumāñ rakhte haiñ

sayyād bhī pahuñch gayā gul-chī bhī baaġh meñ
ai ham-safīr aa gayā mausam bahār kā

ye baat alag dil ko tirī yaad ne bāñdhā
is said ko varna kahāñ sayyād ne bāñdhā

chhoḌtā hī nahīñ hameñ sayyād
varna parvā-e-bāl-o-par na kareñ

qayāmat lā.egā gulzār meñ naala anādil kā
jagānā fitna-e-ḳhvābīda hai sayyād-e-ġhāfil kā

maiñ giraftār-e-ulfat-e-sayyād
daam se chhuT ke bhī rihā na huā

tā.ir-e-rūh-e-ramīda kī tarah chhūTā huuñ
ab to sayyād tire daam se kuchh kaam nahīñ

sayyād ḳhafā hai bulbul-o-kabak
ḳhāmosh raho na bolo-chālo

asīrī be-maza lagtī hai bin-sayyād kyā kiije
qafas ke kunj meñ tanhā abas fariyād kyā kiije

kam to kyā sayyād be-tābī sivā ho jā.egī
tū ne nāhaq tīliyoñ meñ rakh diyā ḳhanjar khulā

fursat-e-ranj-e-asīrī dī na un dhaḌkoñ ne haa.e
ab chhurī sayyād ne lī ab qafas kā dar khulā

par-e-parvāz nikalne de qafas meñ sayyād
kaam degā yahī TuuTā huā baazū apnā