Tags-Sayyad

gul-e-tar ḳhaar se samjheñ batar-tar
jo dekheñ andalībāñ rote sayyād

vafā kā pyaar kā paikar huuñ lekin
jo ho sayyād to zambūr huuñ maiñ

thā ek to sayyād giraftār qafas meñ
aur dūsre āvāz-e-anādil ne satāyā

sayyād ne khul kar baat na kī jis din se qafas meñ aayā huuñ
mālūm nahīñ miTTī merī gulshan kī hai yā vīrāne kī

kuchh is andāz se sayyād ne āzād kiyā
jo chale chhuT ke qafas se vo giraftār chale

sayyād ghaat meñ hai kahīñ bāġhbāñ kahīñ
saarā chaman hai dushman-e-jāñ andalīb kā

ai havā kyā hai jo ab nazm-e-chaman aur huā
said se bhī haiñ marāsim tire sayyād se bhī

kabhī sayyād kā khaTkā hai kabhī ḳhauf-e-ḳhizāñ
bulbul ab jaan hathelī pe liye baiThī hai

sayyād ke jigar meñ kare thā sināñ kā kaam
murġh-e-qafas ke sar pe ye ehsān-e-nāla thā

kaheñ haiñ kyā balā dām-e-balā hai
terī zulfoñ ko ai sayyād sayyād

kidhar qafas thā kahāñ ham the kis taraf ye qaid
kuchh ittifāq hai sayyād āb-o-dāne kā

parinde sar pe ghar rakkhe hue haiñ
mujhe chhoḌeñge ye sayyād kar ke

daam meñ sayyād ke kyuuñ ki na bulbul mar rahe
dāman-e-har-barg-e-gul meñ thā nihāñ ḳhār-e-firāq

kuchh bhī vaqfa ho to gulshan se le aa.eñ sayyād
rah gayā hai dil-e-ġham-kash gul o raihāñ meñ phañsā

hamāre saath hai sayyād bhī yārab musībat meñ
kalejā muñh ko aatā hai jo ham fariyād karte haiñ

girānā hai hameñ kuchh bijliyāñ sayyād ke ghar par
asar-ḳhez ik na.ī tarz-e-fuġhāñ ījād karte haiñ

rihā ho kar ham itnī ḳhātir-e-sayyād karte haiñ
nasheman raat ko din ko qafas ābād karte haiñ

agar dhaḌkā ho jannat meñ to bad-tar hai jahannum se
hameñ gul ḳhaar sā lagtā hai us sayyād ke aage

goshe se nasheman ke aahoñ kā asar dekhā
sayyād kā ghar jalte be-barq-o-sharar dekhā

fuġhān-e-jāñ-gusil rakhtā huuñ lekin
nahīñ suntā mirā sayyād merī