Tags-Sayyad

kyā ḳhabar tujh ko ki kitnā ro.e ham
chhūT kar sayyād tere daam se

jalvoñ ke ḳhush-rañg parindoñ kī ḳhātir
āñkhoñ ko sayyād bhī karnā paḌtā hai

sayyād sunā.eñ tujhe kyūñkar vahī naġhme
ham lahja-e-arbāb-e-chaman bhuul ga.e haiñ

chhurī se rahm kare pahle kis par ab sayyād
koī qafas meñ taḌaptā hai zer-e-dām koī

āshiyāñ jal gayā gulsitāñ luT gayā ham qafas se nikal kar kidhar jā.eñge
itne mānūs sayyād se ho ga.e ab rihā.ī milegī to mar jā.eñge

ab unhīñ kī fikr meñ sayyād hai
jin ke naġhmoñ se chaman ābād hai

vo merī jaan kā dushman sahī magar sayyād
mirī kahī huī bātoñ pe kaan dhartā hai

toḌ de band-e-qafas kuchh bhī agar himmat hai
ik rihā.ī ke liye minnat-e-sayyād na kar

zabt kartā huuñ to ghuTtā hai qafas meñ mirā dam
aah kartā huuñ to sayyād ḳhafā hotā hai

hai tāza-giraftāroñ kī fariyād ko kyā riqqat
shab naala mirā sun kar sayyād bahut royā

aañch sayyād ke ghar tak pahuñchī
itnī sho.aloñ ko havā dī ham ne

sayyād kā ghar aaj hai jaise chaman thā kal
shāyad qafas kā baiThne vaalā rihā huā

ghar dil meñ kar chukā hai mirā nauha-e-qafas
sayyād qaid hogā agar maiñ rihā huā

nāloñ se maiñ ne aag lagā dī jahān meñ
sayyād jāntā thā faqat musht-e-par mujhe

jauhar nahīñ hamāre haiñ sayyād par khule
le kar qafas ko uḌ ga.e rakkhā jo par khule

rafta rafta mujhe andāz-e-fuġhāñ aa.egā
baaġh chhoḌe hue kai din hue sayyād abhī

maiñ huuñ vo said ki phir daam meñ phañstā jā kar
gar qafas se mujhe sayyād rihā.ī detā

faiz-e-mausam thā parinde hue āzād magar
ḳhū-e-sayyād vahī said-e-zabūñ māñgtī hai

shaidā-e-rū-e-gul na to shaidā-e-qadd-e-sarv
sayyād ke shikār haiñ is bostāñ meñ ham

shāyad chaman meñ jī na lage lauT aa.uuñ maiñ
sayyād rakh qafas kā abhī dar khulā huā