Tags-Angdaai

zanjīr ne kī jumbish vahshat ne lī añgḌā.ī
shāyad ki bahār aa.ī shāyad ki bahār aa.ī

aa ġham-e-zindagī kahāñ hai tū
aarzū le rahī hai añgḌā.ī

uThā.e haath to añgḌā.ī isti.āra bane
vo tāb-o-tab hai ki har dil ġhazāl hai us kā

kahkashāñ dekhtī hai us kī tajallī kā nikhār
jis kī añgḌā.ī meñ jādū-asarī hotī hai

dā.ere aise banātī hai yahāñ qaus-e-quzah
hū-ba-hū jaise kisī shoḳh kī añgḌā.ī ho

sub.h huī to dil meñ jaise
thakī thakī añgḌā.ī hai

kyuuñ zamīn-o-āsmāñ haiñ raqs meñ
aur kyā thā ek añgḌā.ī to thī

ab tak mere gītoñ meñ ummīd bhī thī paspā.ī bhī
maut ke qadmoñ kī aahaT bhī jīvan kī añgḌā.ī bhī

us chāñd kī añgḌā.ī se raushan haiñ dar o baam
jo parda-e-shab-rañg pe ubhrā bhī nahīñ hai

sūraj kī tez dhuup kī zad meñ hai ab ye shahr
mausam kī ik hasīn sī añgḌā.ī chāhiye

vo tire jism kī qauseñ hoñ ki mehrāb-e-haram
har haqīqat meñ milā ḳham tirī añgḌā.ī kā

yahī hai dastūr-e-shahr-e-hastī ki jo nayā hai vahī purānā
hayāt añgḌā.ī le rahī hai zamāna karvaT badal rahā hai

koī kiran bhī kaam na aa.ī jīvan ke añdhiyāre meñ
mere ghar ke bāhar lekin letī rahī añgḌā.ī dhuup

kyā kyā dil-e-muztar ke armān machalte haiñ
tasvīr-e-qayāmat hai zālim tirī añgḌā.ī

ajiib barsāt kā samāñ hai nazar ko har vaqt ye gumāñ hai
ki husn añgḌā.ī le rahā hai hasīn kapḌe badal rahe haiñ

aks añgḌā.ī le bhī saktā hai
aa.ina mahv-e-ḳhvāb hotā hai

us ko bhī chheḌ-chhāḌ kā andāz aa gayā
dekhā mujhe to jaan ke añgḌā.ī lī ga.ī

lete añgḌā.ī haiñ ġham zaḳhm lage haiñ risne
yaad jab bhūlā huā dost purānā aayā

mil chukā mahfil meñ ab lutf-e-shakebā.ī mujhe
khīñchtī hai apnī jānib terī añgḌā.ī mujhe

zindagī kī kashmakash se dast-kash honā paḌā
naza.a meñ yaad aa ga.ī jab un kī añgḌā.ī mujhe