Tags-Angdaai

mast havā jab sāvan kī añgḌā.ī le kar aatī hai
aur falak par kaalī kaalī badlī jab chhā jaatī hai

kyā kyā dil-e-muztar ke armān machalte haiñ
tasvīr-e-qayāmat hai zālim tirī añgḌā.ī

apne markaz kī taraf mā.il-e-parvāz thā husn
bhūltā hī nahīñ aalam tirī añgḌā.ī kā

kyā jaane ġham kī aañch kā partav kahāñ paḌe
añgḌā.ī le rahe haiñ hayūle sharar ke dekh

'hashamī' ġham ne phir añgḌā.ī lī
'hashamī' phir ġhazal inshā kiije

lī hai añgḌā.ī to phir haath uThā kar rakhiye
Thahariye maiñ use lafzoñ kā labāda de duuñ

hayāt-e-ishq ke ye pech o ḳham nasheb o farāz
inhīñ kā naam hai shāyad kisī kī añgḌā.ī

dekh idhar o niiñd ke maate kis kī achānak yaad aa.ī
biich se TuuTī hai añgḌā.ī haath uThte hī jhuul paḌā

farsh par us ne lī jo añgḌā.ī
arsh aayā utar ke pahlū meñ

ye kaisī añgḌā.ī lī hai ehsās-e-zindagī ne
masīh kā rañg rū-e-bīmār par khilā hai

tasavvur dil meñ shāyad aa gayā hai ghar ke jaane kā
ye añgḌā.ī tirī vaqt-e-sahar kuchh aur kahtī hai

mutriba ne is tarah chheḌe kuchh armānoñ ke taar
kas gayā añgḌā.ī lete hī rubāboñ kā badan

sunsān bayābānoñ meñ hai ik jazba-e-gulshan-ārā.ī
vīrāñ khañDaroñ meñ letā hai mahloñ kā tasavvur añgḌā.ī

ye ġhalat hai merā sajda vaj.h-e-rusvā.ī huā
rashk-e-mehrāb-e-haram kab terī añgḌā.ī na thī

pahle bhī log milte the lekin ta.alluqāt
añgḌā.ī kī tarah to kabhī TūTte na the

phir muñh se are kah kar paimāna girā diije
phir toḌiye dil merā phir lījiye añgḌā.ī

yuuñ uThtī haiñ añgḌā.ī ko vo marmarīñ bāñheñ
jaise ki 'adam' taḳht-e-sulaimāñ nahīñ uThtā

sahar ne le ke añgḌā.ī tilism-e-nāz-shab toḌā
falak par husn kī sham.eñ uThīñ tāroñ kī mahfil se

sitāre so ga.e añgḌā.ī le kar
ki afsāne kā anjām aa rahā thā

nashsha shīshe meñ añgḌā.ī lene lagā bazm-e-rindāñ meñ sāġhar khanakne lagā
mai-kade pe barasne lagīñ mastiyāñ jab ghaTā ghir ke aa.ī mazā aa gayā