Tags-Shaam

sub.h se karb-o-aziyyat kā ye aalam tauba
dard kuchh aur sivā hotā hai har shaam ke ba.ad

jo shaam ho anvār-e-shahādat se munavvar
us shaam ko ham shām-e-ġharībāñ nahīñ kahte

pursāñ nahīñ koī bhī 'nasīm' ahl-e-hunar kā
duniyā kī havā shaam o sahar dekh rahe haiñ

us shaam vo ruḳhsat kā samāñ yaad rahegā
vo shahr vo kūcha vo makāñ yaad rahegā

tā-sub.h karvaTeñ hī badalte raheñge ham
un kā agar ḳhayāl sar-e-shām aa gayā

sub.h tak vaj.h-e-jāñ-kanī thī jo baat
maiñ use shaam hī ko bhuul gayā

shām-e-ġhurbat ham se majrūhoñ kī hai fariyād-ras
zulf kī chhātī phaTī hai sunte hī shāne kī arz

shaam kī sīḌhiyāñ kitnī kirnoñ kā maqtal banīñ
bād-e-masmūm ne toḌ kar kitne patte supurd-e-ḳhizāñ kar diye

itnā bhī use yaad na kar shām-e-ġharībāñ
mahkegī fazā bū-e-hinā tañg karegī

shaam kināre utrā maiñ
ho gayā reza reza maiñ

aflāk kī gardish se dam-bhar duniyā meñ hameñ ārām nahīñ
vo din nahīñ vo ab raat nahīñ vo sub.h nahīñ vo shaam nahīñ

hijr kī pahlī shaam ho yā ho vasl kā din
jitne manzar-nāme haiñ sab ḳhūnīñ haiñ

shaam utrī hai phir ahāte meñ
jism par raushnī ke ghaav liye

kabhī raqs-e-shām-e-bahār meñ use dekhte
kabhī ḳhvāhishoñ ke ġhubār meñ use dekhte

yahī ab jo hai yahāñ naġhma-ḳhvāñ yahī ḳhush-bayāñ
kisī shaam kū-e-nigār meñ use dekhte

ai shām-e-ġham kī gahrī ḳhamoshī tujhe salām
kānoñ meñ ek aa.ī hai āvāz duur kī

vo palaT ke jald na ā.eñge ye ayaañ hai tarz-e-ḳhirām se
koī gardish aisī bhī ai falak jo bulā de sub.h ko shaam se

shaam utartī hai to 'vājid' maiñ yahī sochtā huuñ
aaj kā din bhī gayā yādoñ ke ambār ke beach

kab tak ye roz-e-hashr sun ai shām-e-intizār
kyā raat ab na aa.egī sūraj to Dhal gayā

sub.h-e-visāl kā bhī din dekhūñgā ai ḳhudā kabhī
ho chukīñ shām-e-intizār yak do sah chaar panj o shash