Tags-Shaam

dard ḳhāmosh rahā TūTtī āvāz rahī
merī har shaam tirī yaad kī hamrāz rahī

jab tū shaam ko ghar jaa.e to paḌh lenā
tere bistar par ik chiTThī chhoḌī hai

ġhaar meñ shaam thī
chand lamhoñ meñ sadiyāñ basar kar ke jab

shaam meñ ġhaar thā
ġhaar meñ raat thī

shaam ke peḌ par ik parinda
gajartān bheroñ meñ gaane lagā

jamegī kaise bisāt-e-yārāñ ki shīsha o jaam bujh ga.e haiñ
sajegī kaise shab-e-nigārāñ ki dil sar-e-shām bujh ga.e haiñ

maiñ rahtā huuñ har shaam shikva-ba-lab
mire paas dīvān-e-'iqbāl' hai

ġham-e-hayāt ġham-e-rozgār be-vatanī
sukūn se jo Dhale kaash aisī shaam to aa.e

tilism-e-zulf kī lahreñ Dubo hī detī haiñ
kanār-e-shām jab mauj-e-sharāb buntā huuñ

shaam kar detā hai aksar koī zulfoñ vaalā
varna vo din huuñ ki Dhalnā nahīñ aatā hai mujhe

ki jaise abr havā kī girah se khul jaa.e
safar kī shaam mirā mehrbāñ thakan meñ khulā

kuchh bhī yaad nahīñ ab paḌtā kab pardes ko nikle the
shāyad shaam lagī thī Dhalne yā shāyad chaḌhtā din thā

sub.h likhtī hai tirā naam mirī āñkhoñ meñ
qaid tanhā.ī kī hai shaam merī āñkhoñ meñ

shaam se tanhā khaḌā huuñ yaas kā paikar huuñ maiñ
ajnabī huuñ aur fasīl-e-shahr se bāhar huuñ maiñ

shām-e-abad ko jalva-e-sub.h-e-bahār de
rūdād chheḌ zindagī-e-be-sabāt kī

ek aur din kī shaam kisī tarh ho ga.ī
kuchh de-dilā ke haal ko maazī banā diyā

kal shab-e-hijrāñ thī lab par naala bīmārāna thā
shaam se tā sub.h dam-e-bālīñ pe sar yakjā na thā

koī shai nahīñ yahāñ mustaqil ye ajab yahāñ kā nizām hai
kabhī dhuup hai kabhī chhāñv hai kabhī sub.h hai kabhī shaam hai

tujh se mil ke bhī terā intizār rahtā hai
sub.h rū-e-ḳhandāñ se shaam zulf-e-barham tak

apne liye jo shaam bachā kar rakkhī thī
vo tujh se ahd-o-paimān meñ guzrī hai