Tags-Shaam

dil kī betābī nahīñ Thaharne detī hai mujhe
din kahīñ raat kahīñ sub.h kahīñ shaam kahīñ

tere baad bachā hai kyā jīvan meñ mire
maiñ huuñ bhīgī shaam hai aur tanhā.ī hai

har ek shaam na.e ḳhvāb us pe kāḌeñge
hamāre haath agar terī shaal aa jaa.e

phir vahī sub.h aur azm-e-safar
phir vahī shaam aur tanhā.ī

hadīs-e-talḳhī-e-ayyām se taklīf hotī hai
sahar vāloñ ko zikr-e-shām se taklīf hotī hai

ġhurūb-e-shām to din bhar ke fāsle par hai
kiran tulū kī utrī hai jagmagātī phire

shām-e-hañgām to ham hai
tasavvur ke khaToloñ pe sajī

phūloñ kī tāzgī meñ udāsī hai shaam kī
saa.e ġhamoñ ke itne to gahre kabhī na the

log sub.h o shaam kī nairañgiyāñ dekhā kiye
aur ham chup-chāp maazī ke nishāñ dekhā kiye

dekhnā zulf-o-ruḳh tumheñ har vaqt
shaam dekho na tum sahar dekho

abhī to faisla baaqī hai shaam hone de
sahar kī oT meñ mahtāb-e-jāñ ko rone de

abhī shaam zarā sī mahkī hai par kyā kahiye kyā jaldī hai
abhī raat paḌāv bhī aage hai aur ḳhvāb bulāve aane lage

din nahīñ raat nahīñ sub.h nahīñ shaam nahīñ
rah ga.ī ek nahīñ haañ kā kahīñ naam nahīñ

kaash maiñ tujh ko koī shaam suhānī detā
apnī nākām mohabbat kī nishānī detā

kab talak raunaq-e-shām-e-avadh ai māh-e-ravāñ
shām-e-lahore ko bhī sub.h banā de aa kar

shaam hī se hai dil kī hālat ġhair
sub.h tak to na jaane kyā hogā

shaam hai ye va.ade kī ishq ke irāde kī
ik javāñ sā sannāTā ik hasīn ḳhāmoshī

maiñ āftāb-zada huuñ kahāñ hai zulf us kī
ki aa.e aur mirī āñkhoñ pe apnī shaam lagā.e

surḳh se kisī kapḌe ko lapeTe aa.ī shaam
maano āsmāñ us kī oḌhnī uThā laayā

phir utar aa.e haiñ palkoñ pe sisakte aañsū
phir kisī shaam ke āñchal ko bhigonā hai hameñ