Tags-Shaam

palkoñ pe jugnuoñ kā baserā hai vaqt-e-shām
'anjum' maiñ pāniyoñ meñ chamak chhoḌ kar gayā

aas ke raushan diye rakh kar fasīl-e-shām par
raat ke andhe safar ko be-ḳhatar us ne kiyā

māzī-o-dosh kā har daaġh hai fardā kā charāġh
kaash ye shām-o-sahar sirf dil-o-jāñ hote

jab bhī sukūt-e-shām meñ aayā tirā ḳhayāl
kuchh der ko Thahar sā gayā ābshār bhī

dil-girafta hī sahī bazm sajā lī jaa.e
yād-e-jānāñ se koī shaam na ḳhālī jaa.e

shaam hotī hai to merā hī fasāna aksar
vo jo TuuTā huā taarā hai sunātā hai mujhe

mere chehre pe na.ī shaam khilāne vaalā
jaane kis or gayā bazm sajāne vaalā

dil kī vo taḌap hai ki dabā.ī nahīñ jaatī
ḳhālī tirī yādoñ se koī shaam nahīñ hai

ma.āl-e-bāryābī kyā batā.ūñ muḳhtasar ye hai
ki shām-e-ġham ko bhī sub.h-e-vatan kahnā hī paḌtā hai

shām-e-abad tak Takrāne kā izn nahīñ hai donoñ ko
chāñd usī par garm-e-safar hai jo sūraj kā rasta hai

gum-sum sā khaḌā hai koī darvāza-e-dil par
is shaam kā manzar to dil-āvez bahut hai

chār-sū āñsuoñ ke jalte diip
shām-e-ġhurbat mujhe kahāñ laa.ī

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

apne man kī baat ab kis se kahūñ
aa.ina nārāz hai kal shaam se

muntazir āñkheñ haiñ merī shaam se
sham.a raushan hai tumhāre naam se

ye sabr kab tak nibhā.e jā.ūñ maiñ ḳhud se nazreñ churā.e jā.ūñ
jo shām-e-hijrāñ ne jaan khaa.ī har ek va.ade se laḌ paḌuñgī

thak ke so gayā sūraj shaam ke dhuñdlakoñ meñ
aaj bhī ka.ī ġhunche phuul ban ke murjhā.e

ā.īna kaisā thā vo shām-e-shakebā.ī kā
sāmnā kar na sakā apnī hī bīnā.ī kā

mirī shām-e-ġham ko vo bahlā rahe haiñ
likhā hai ye ḳhat meñ ki ham aa rahe haiñ

'ādil' ye sar-e-shām kahāñ jaane lagā hai
tū suut kī dastār meñ paivand lagā kar