Tags-Shaam

khil uThtā hai us kī yaad kā ik ik rañg
jaag uThte haiñ kyā kyā manzar shām-Dhale

dil ke ik goshe meñ simaT aate haiñ 'ramz'
sātoñ āsmāñ sātoñ samundar shām-Dhale

bojh sā baḌh jaatā hai dil par shām-Dhale
ruk jaatī haiñ sāñseñ pal-bhar shām-Dhale

ik āñdhī sā ghaTtā baḌhtā shor-e-nafas
bhar jaatā hai zehn ke andar shām-Dhale

kis ko batā.ūñ gum hai mirī apnī pahchān
mujh se judā hai merā paikar shām-Dhale

tere baġhair ham se hai mausam ḳhafā ḳhafā
ḳhāmoshiyoñ ko oḌhe hue baiThī shaam hai

parvāne kī shab kī shaam huuñ maiñ
yā roz kī sham.a kī sahar huuñ

tā-qayāmat zikr se raushan rahegī ye zamīñ
zulmatoñ kī shaam meñ ik raushnī hai karbalā

ai ġham-e-shām-e-ġharībāñ ai shab-e-tār-e-alam
ahl-e-dil ko roz-o-shab taḌpā rahī hai karbalā

kyā huā jo sitāre chamakte nahīñ daaġh dil ke farozāñ karo dosto
sub.h-e-ishrat pareshāñ huī so huī shām-e-ġham to na vīrāñ karo dosto

shaam tak sub.h kī nazroñ se utar jaate haiñ
itne samjhautoñ pe jiite haiñ ki mar jaate haiñ

merī us shaam ke taare se mulāqāt bahut gahrī thī
.....mirā hamdam-e-derīna thā

''kaun sā taarā dikhāyā tum ne''
''aap kā shaam kā pahlā tārā''

merī us shaam ke taare se mulāqāt bahut gahrī thī
maiñ ne taare kī rifāqat meñ shagun kitne liye

merī us shaam ke taare se mulāqāt bahut gahrī thī
vo mirā ham-dam-e-derīna thā

shaam tak khīñche liye phirte haiñ is duniyā ke kaam
sub.h tak farsh-e-nadāmat par paḌā rahtā huuñ maiñ

sham-e-mahfil kā baqiyyā hai faroġh-e-ummīd
shaam se jis kā ye aalam ho sahar kyā legā

kuchh duur saath gardish-e-shām-o-sahar ga.ī
phir us ke ba.ad zindagī jaane kidhar ga.ī

haañ thī kabhī tamīz siyāh-o-safed meñ
aur ab to jaisī shaam hai vaisī sahar mujhe

shaam bhī ho ga.ī dhundlā ga.iiñ āñkheñ bhī mirī
bhūlne vaale maiñ kab tak tirā rastā dekhūñ