Tags-Shaam

yūñhī kufr har sub.h har shaam hogā
ilāhī kabhū yaañ bhī islām hogā

jaañ ġham-e-vasl kī ik shaam manā.eñ aa jā
shor suntī huuñ sisaktī huī shahnā.ī kā

sāmne umr paḌī hai shab-e-tanhā.ī kī
vo mujhe chhoḌ gayā shaam se pahle pahle

shaam ko unheñ 'aḳhtar' gulistāñ meñ dekheñge
jab vo apnī zulfoñ meñ dil sajā ke chalte haiñ

aañkh manzar badaltī rahtī hai
shaam ke saath Dhal rahe haiñ ham

shaam ho jaatī hai
maiñ phir se lagātā huuñ sadā

din kisī tarah se kaT jā.egā saḌkoñ pe 'shafaq'
shaam phir aa.egī ham shaam se ghabrā.eñge

rāste shaam ko ghar le ke nahīñ lauTeñge
ham tabarruk kī tarah rāhoñ meñ baT jā.eñge

ye koī baat hai jo tujh ko batā.ī jaa.e
shaam ke vaqt udāsī kā sabab kyā hogā

maiñ shauq-e-vasl meñ kyā rail par shitāb aayā
ki sub.h hind meñ thā shaam pañj-āb aayā

ab shaam ho ga.ī hai mujhe sonā chāhiye
sūraj tire ḳhayāl kā garche Dhalā nahīñ

ye bhī kyā shām-e-mulāqāt aa.ī
lab pe mushkil se tirī baat aa.ī

dhuup idhar Dhaltī thī dil Dūbtā jaatā thā idhar
aaj tak yaad hai vo shām-e-judā.ī mujh ko

shaam se milne gayā to raat ne Thahrā liyā
jaane kaise chāñd ne sūraj ko bhī bahkā liyā

ruup milan kī aashā le kar ham jīvan jīvan ghūme haiñ
sadiyoñ aash nivāsh ke lamhe shaam saveroñ se phūTe haiñ

taktī haiñ ab tak raah kisī kī
sub.h o shaam shikārī āñkheñ

charāġh ban ke chamakte haiñ roz shaam Dhale
hamāre pahlū meñ so.e hue parā.e badan

jo talḳh shaam ke sāyoñ ko qatl kar detā
tamām-shahr meñ itnā niDar koī bhī na thā

shaam ke chehre pe lauT aayā nikhār
ho chuke haiñ ho rahe haiñ aur dāman dāġh-dār

shaam ke dāman meñ pechāñ nīm-afrañgī hasīñ
nuqra.ī pāroñ meñ ik sone kī laag