Tags-Shaam

bhaag kar aa gayā huuñ sar-e-shām dariyā kināre gumāñ meñ hai terā dvāra
zamāne meñ aise to mumkin nahīñ hai ki mandir meñ sar ko jhukā.e rahe har pujārī

shaam tak sub.h kī nazroñ se utar jaate haiñ
itne samjhautoñ pe jiite haiñ ki mar jaate haiñ

bas ek shaam tujhe dil ne kar diyā ruḳhsat
phir us ke ba.ad rahī aañkh nam mohabbat meñ

zohra gar aisā hī shām-e-hijr meñ hotā hai aab
partav-e-mahtāb sail-e-ḳhānumāñ ho jā.egā

jis bastī meñ shaam utarne vaalī ho
us bastī ke naam se Darne vaalā maiñ

guzar ga.ī hai magar roz yaad aatī hai
vo ek shaam jise bhūlne kī hasrat hai

naaz the kyā kyā urūj-e-nayyar-e-iqbāl par
dopahar ke ba.ad dekhā vaqt-e-shām aa hī gayā

shaam hone ko hai
laal sūraj samundar meñ khone ko hai

mil hī jā.egī kabhī manzil-e-maqsūd-e-sahar
shart ye hai ki safar karte raho shaam ke saath

vahī ik samundar vahī ik havā
mirī shaam terā sañvarnā bhī kyā

nasheb-e-hijr meñ din iḳhtitām karte hue
maiñ ḳhud meñ Dūbtā jaatā thā shaam karte hue

bhiiḌ meñ jo bichhaḌ ga.e ham se
shaam Dhalne kā intizār kareñ

shaam ne barf pahan rakkhī thī raushniyāñ bhī ThanDī thiiñ
maiñ is ThanDak se ghabrā kar apnī aag meñ jalne lagā

dījūr meñ kise hai sapīd o siyah kā farq
zindāniyoñ ko shaam o sahar donoñ ek haiñ

dil meñ aate hī sar-e-shām tasavvur terā
raat saarī mirī āñkhoñ meñ guzar jaatī hai

hai kitne dinoñ se ishq 'nazīr' us yaar kā ham ko jis kī haiñ
sub.h aur biran shaam aur phaban aaj aur duvah kal aur tarah

ye ham jo peT se hī sochte haiñ shaam o sahar
kabhī to jā.eñge is dāl-bhāt se aage

dikhā.ī mujhe kis liye shām-e-hijr
shab-e-vasl kī kyuuñ sahar ho ga.ī

bujhā.ūñ kyā charāġh-e-sub.h-gāhī
mire ghar shaam honī hai sahar se

sub.h ko tañg kiyā ḳhud pe zarūrat kā hisār
shaam ko phir isī mushkil se nikalte dekhā