Tags-Shaam

apnī kaifiyyateñ har aan badaltī huī shaam
munjamid hotī huī aur pighaltī huī shaam

vaqt baptisma kare āb-e-sitāra se use
dast-e-duniyā kī darāzī se nikaltī huī shaam

ek sannāTā rag-o-pai meñ sadā gūñjtā hai
bujh ga.ī jaise lahū meñ koī jaltī huī shaam

ik jhalak poshish-e-be-zabt se uryānī kī
de ga.ī din ke nasheboñ se phisaltī huī shaam

gūñdh kar motiye ke haar ghanī zulfoñ meñ
āriz-o-lab pe shafaq surḳhiyāñ maltī huī shaam

baḌī mushkil se ye do vaqt kī roTī kamāte haiñ
sahar se shaam tak fōtpath par qismat banāte haiñ

bañdhe haiñ shaam sutūnoñ se sub.h ke taare
jamāl-e-yār kisī naqsh-e-motabar se nikal

bahut dilchasp hai 'sīmāb' shām-e-vādī-e-ġhurbat
vatan kī sub.h meñ kuchh aur thiiñ rañgīniyāñ phir bhī

lā.eñge raah par ye ruḳh-o-zulf ek din
dekheñge shaam tak mirā rasta sahar se aap

huī sub.h jaam khanak uThe huī shaam naġhme bikhar ga.e
vo hasīn din bhī the kis qadar jo tumhāre saath guzar ga.e

maiñ āsmān ke saath phailī shaam kī nāranjī raushnī huuñ
yā sūraj kī aañkh meñ reñgtī surḳh dhār?

giit gaate haiñ parinde sub.h o shaam
yā samā.at chahchahā jaatī hai roz

shaam apnī be-mazā jaatī hai roz
aur sitam ye hai ki aa jaatī hai roz

vo mujh se milā shaam ke vaqt jab maiñ
parindoñ ke hamrāh ghar jā rahā thā

baras ke khul ga.e aañsū nithar ga.ī hai fazā
chamak rahā hai sar-e-shām dard kā taarā

farāz-e-shām se girtā rahā fasāna-e-shab
gadā-e-gauhar-e-guftār ne sunā hī nahīñ

parinde āshiyānoñ ko ravāñ haiñ
musalsal shaam Dhaltī jā rahī hai

ā.īna sub.h-e-shab-e-vasl jo dekhā to kahā
dekh zālim ye thī shaam ko sūrat merī

gardish-e-vaqt kā ye jabr hai shāyad jo log
sub.h zinda haiñ magar shaam ko mar jaanā hai

tum ThiThurtī guzartī hoī shaam kī mad-bharī raushnī se
churā.e hue chaar pal kī kathā