Tags-Shaam

shaam hue ḳhush-bāsh yahāñ ke mere paas aa jaate haiñ
mere bujhne kā nazzāra karne aa jaate hoñge

din nahīñ raat nahīñ sub.h nahīñ shaam nahīñ
vaqt milne kā magar dāḳhil-e-ayyām nahīñ

shaam hai aur sahn meñ dil ke
ik ajab huzn-e-āsmānī hai

chaliye ai jān-e-shām aaj tumheñ
sham.a ik qabr par jalānī hai

na chheḌo ham-nashīnoñ shām-e-ġham 'purnam' ko rone do
musībat meñ kisī kī dil-lagī achchhī nahīñ lagtī

din bhar jaane kis kis se ye miltā hai
jism hamārā shaam ko tanhā rahtā hai

ye bhī hai adā koī ḳhurshīd namat pyāre
muñh sub.h dikhā jaanā phir shaam chhupā jaanā

aaj tanhā.ī kisī hamdam-e-derīñ kī tarah
karne aa.ī hai mirī sāqī-garī shaam Dhale

shaam reading room kī maġhmūm shaam
chand kaan elānchī kī baat par

rozāna tū raat ga.e ghar aatā hai
shaam se pahle aa jaatā hai ba.az auqāt

havā-e-shām-e-dil-āzār ko asiir kiyā
aur us ko dasht meñ pan-chakkiyoñ ke ghar rakkhā

shab un kī hai jo terā ḳhvāb dekheñ aur din un kā
jo baiThe yaad tujh ko sub.h se tā-shām karte haiñ

shaam kī taqrībāt meñ hissa lenā hai
kachchā rasta dhuul aTī ik laarī hai

din nikaltā hai kahāñ se 'sīmān'
shaam ke saa.e kidhar jaate haiñ

kiyā jo vāda-e-shab us ne din pahāḌ huā
ye dekhiyo mirī shāmat ki hotī shaam nahīñ

sahar jahāñ huī phir shaam vaañ nahīñ hotī
basān-e-umr-e-ravāñ apnā ik maqām nahīñ

marīz-e-hijr ko sehat se ab to kaam nahīñ
agarche sub.h ko ye bach gayā to shaam nahīñ

kināre par hī dikhtī thī sub.h shaam
har aane vaalī lahr kī aahaT bhar se

maiñ laakh rahūñ yūñhī ḳhāk-basar shādāb raheñ tire shām-o-sahar
nahīñ us kā mujhe shikva bhī koī mirā chain gayā mirī niiñd ga.ī

ravāñ-davāñ the jo lamhāt ruk ga.e yak-dam
sukūt-e-shām-e-ġharībāñ hai dekhiye kyā ho