Tags-Shaam

har shaam jald sone kī aadat hī paḌ ga.ī
har raat ek ḳhvāb zarūrī sā ho gayā

sub.h markaz banī umīdoñ kā
shaam māyūsiyoñ ke kaam aa.ī

tum se bichhḌe hue ek muddat huī din guzartā rahā vaqt Taltā rahā
shaam aatī rahī dil dhaḌaktā rahā ham charāġh-e-mohabbat jalāte rahe

maidāñ meñ chale aao to khul jaa.e ye tum par
kyā shaam kī sarshār havāoñ meñ mazā hai

shaam ko jām-e-masarrat bhar ke chalkā.eñge ham
sub.h ko daur-e-charāġh-e-bazm ban jā.eñge ham

lauTā jo shaam ko to koī muntazir na thā
is baar be-qarār mirā ghar nahīñ huā

tīrgī ḳhuuñ ke ujāle meñ nahā jaatī hai
shām-e-ġham hotī hai namnāk o ziyā-ālūda

sub.h aur shaam ke sab rañg haTā.e hue haiñ
apnī āvāz ko tasvīr banā.e hue haiñ

khel-kūd kar shaam Dhale kyuuñ
apne ghar ko jaatī dhuup

nīlgūñ abr chhaTā
surma.ī shaam ke sūraj kī tilā.ī kirneñ

yaad rakhtā hai adam meñ koī sāġhar-kash use
hichkiyāñ shīsha-e-mai shām-o-sahar letā hai

ye bār-e-ma.asiyat manzil kaḌī aur shām-e-tanhā.ī
chale haiñ kyā samajh kar ham bhī rusvā-e-jahāñ ho kar

tirī aañkh se mirī aañkh tak faqat ek manzar-e-ḳhāk hai
vahī shām-e-tīra-sarisht sī milī muddatoñ kī talāsh meñ

dil kī zamīñ par ham ne ik konā bhī ḳhālī chhoḌā hai
shaam ko vāpas aa kar jis meñ yaad tumhārī baiThegī

huī hai sub.h se kis tarah shaam shaam se sub.h
jo merī jaan pe guzrī hai koī samjhe kyā

to sub.h kā pata na shaam kī ḳhabar tumheñ to
itnā bhī pata nahīñ ki khel ḳhatm ho to us ko shaam

aisī suunī to kabhī shām-e-ġharībāñ bhī na thī
dil bujhe jaate haiñ ai tīrgī-e-sub.h-e-vatan

nūr-e-sahar kahāñ hai agar shām-e-ġham ga.ī
kab iltifāt thā ki jo ḳhū-e-sitam ga.ī

kis darja aane vaale zamāne kā ḳhauf thā
bajtā gajar to shaam ke āsār dekhte